АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Һәзрәт Айәтуллаһулузма Хаменеи дүнән бу мүраҹиәтдә белә гейд едибләр: Мөһтәрәм шәһид ҝенерал-лейтенант пасдар Гасем Солейманинин пак ҹәназәсинин сон мәнзилә йола салынмасы мәрасиминдә бир груп иранлынын һәйатыны итирмәси илә бағлы аҹы вә кәдәрли һадисә, еләҹә дә сәрнишин тәййарәсинин гәзайа уғрамасы кими мүсибәтли һадисә вә иранлы вә гейри-иранлы сәрнишинләрин һәйатыны итирмәси бу ики ҝүндәки ики гәмли нөгтә иди.
Һәзрәт Айәтуллаһулузма Хаменеи бу мүраҹиәтдә гәм ичиндә олан аиләләрин кәдәрилә ән сәмими шәкилдә бөлүшүб, тәәссүф вә нараһатлыг ифадә едәрәк, Аллаһ-Тааладан һәйатларыны итирәнләр үчүн рәһмәт вә бағышланма, онларын аиләләри үчүн исә сәбир вә тәмкинлилик диләйибләр.
Иранын назирләр кабинети дә бу мүнасибәтлә бир мәлуматда бу ҝүнү үмуми матәм елан едиб.
Чәршәнбә ахшамы ҝүнү Сепаһ-ын Гүдс гүввәләринин команданы ҝенерал-лейтенант шәһид Гасем Солейманинин ҹәназәсилә вида мәрасиминдә бөйүк издиһам вә сыхлыг нәтиҹәсиндә мәрасим иштиракчыларындан бир групу һәйатыны итирди вә йа йараланды.
Дүнән сәһәр дә Украйна һава йолларына мәхсус бир әдәд сәрнишин тәййарәси Теһранын Имам Хомейни(р.ә.) адына һава лиманынын йахынлығында гәзайа уғрады. Нәтиҹәдә 167 сәрнишин вә 9 екипаж үзвү һәйатыны итирди.
Тәййарәнин әксәр сәрнишини Иран вәтәндашы олуб. Бу учушда диҝәр милиййәтли сәрнишинләр дә олубдур.
Украйнанын Теһрандакы сәфирлийи бу һадисәнин сәбәбини техники насазлыг адландырыб.
...........
340
