Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Азәрбајҹан Ислам Партијасы АБШ-н сон терроруну мәһкум едиб.
АИП-ин Мәтбуат Хидмәти тәрәфиндән јајымланан бәјанатда дејилир:
“Мүсәлман дүнјасыны сијаси-стратежи марагларына ачыг тәслим етмәк иддиасындан әл чәкмәјән Америка вә бу шәр гитәнин башында дуран ҹәлладлар дөвләт сәвијјәсиндә сон террорларыны һәјата кечирдиләр. Иран ордусунун “Гүдс" һәрби бригадасынын јенилмәз командири, мүсәлман дүнјасынын, Әһли-бејт ашигләринин севимлиси, дүшмән һәмләләринә мәруз галан мәзлумларын пәнаһы вә хиласкары, Ислам дүнјасынын гәсбкарларыјла дөјүш сәһнәләринин өлмәз гәһрәманы Гасим Сүлејмани Америка террорунун нөвбәти һәдәфинә туш ҝәлди вә шәрәфли ШӘҺАДӘТ зирвәсини фәтһ етди.
Гасим Сүлејмани һәрби сәркәрдә кими Иран ордусунун дүшмәнләрлә вуруш мејданларынын ҹәсарәт вә шүҹаәт тарихиндәки силинмәз сәһнәләринә имза атды. Һәрби тәсрүбәси, билији шәхси ҹәсарәти илә тамамланан бу горху билмәјән мүҹаһид сәркәрдәнин хофу гаршысында дүшмән аҹиз галыб һәмишә. Һәрби тактикасы вә стратеҝијасы гәсбкарларын ҹәсарәтини мәһдудлашдырмаг мәҹбуријјәтиндә гојуб.
Бөјүк Ислам мәктәбинин јетирмәси Гасим Сүлејмани бәшәријјәтин зәрәрли дәстәләринә аман вермәдән мүгавимәтин нүмунәсини јашатды, давам етдирди вә јени зирвәләрә уҹалтды. Шәһадәти илә амансыз дүшмән үзәриндә гәләбәнин јолуна нур чиләди. Әминик ки, онун ганы јердә галмајаҹаг, бу бәшәри ҹинајәтин, ону һәјата кечирәнләрин ҹәзасы вериләҹәк. Инанырыг ки, Гасим Сүлејманинин гисасы мүсәлман торпагларына дәвәтсиз сохулмуш гәсбкар шәр гүввәләринә даһа ағыр вә сарсыдыҹы олаҹаг. Бу, АБШ-ын сон террору олаҹаг.
Фәләстин, Сурија, Әфганыстан, Јәмән, Ливија, Ираг азадлыгсевәрләри ичәриләриндә артыг јүз минләр, милјонларла Сүлејманиләр јетишмишдир. Имам Һүсејнин (ә) шәһадәт мәктәбинин давамчысы раһат ујуја биләр.
Азәрбајҹан Ислам Партијасы тәрәггипәрвәр бәшәријјәти, торпаглары ишғала мәруз галан хилгәтләри гәсбкарларла өлүм-дирим савашына чағырыр, Иран халгынын гәһрәман оғлунун өлүмү мүнасибәтилә Имам Заман (әҹ) башда олмагла мүсәлман дүнјасынын рәһбәри, Рәһбәр-мүәззәм Сејјид Әли Хамнеи ҹәнабларына, Әһли-бејт ашигләринә вә бүтүн Иран халгына дәрин һүзнлә башсағлығы верир. Аллаһ рәһмәт еләсин.”
Диггәт: Хәбәрдән истифадә етдикдә мәнбәјә истинад лазымдыр!
