Марија Захарова Москвада кечирдији брифингдә билдириб: “Гәрбин Ермәнистан-Азәрбајҹан мүнасибәтләринин низамланмасы илә бағлы үчтәрәфли разылашмалары гејд етмәмәләринин сәбәби бу сүлһ тәшәббүсүнүн Русија тәрәфиндән ишләниб һазырланмасыдыр. Гәрб өлкәләри, хүсуси илә дә Авропа Иттифагы вә АБШ нүмајәндәләри үчтәрәфли разылашмалары гејд етмирләр.
Онун сөзләринә ҝөрә, сүлһ тәшәббүсү Русијанын иштиракы илә ишләниб һазырланыб вә һәјата кечирилир, практики нәтиҹәләр верир.
Захарова Гәрбин Азәрбајҹан вә Ермәнистан арасында васитәчилијини деструктив адландырыб: “Гәрбин дедији кими кечирилән ҝөрүшләрдә мүсбәт ирәлиләјиш барәдә конструктив вә реал нәтиҹәләр олмајыб. Јәни, нә ҝәлди демәк мүмкүндүр, лакин практикада бу реаллашмыр. Бу, о демәк дејил ки, конструктив нәтиҹәләрә ҝәтириб чыхараҹаг аддымлары биз лајигинҹә гијмәтләндирмирик. Биз һәр заман низамланмаја доғру һансыса дүзҝүн ҝедишләр оланда мүсбәт тенденсијаны гејд едирик. Бу истигамәтдә мүвафиг нәтиҹәләр олаҹагса, о заман мүтләг јүксәк гијмәтләндирәҹәјик. Һәлә ки, гијмәтләндирмәјә һеч нә јохдур”, - дејә Русија ХИН сөзчүсү вурғулајыб.
О сонда мајын 19-да Әлијев, Путин вә Пашинјан арасында ҝөрүш кечириләҹәјини ачыглајыб
342/