Әрәстун Оруҹулу “Азәри Фридом” каналы илә сөһбәтиндә дејиб: Азәрбајҹан Республикасында оғурлуг вә сијаси һијлә илә танынан шәхсләрин “Туран” вә “Ваһид Азәрбајҹан” мәфһумларыны тәгдим етмәси һакимијјәти ҝөздән салыр.
Онун сөзләринә ҝөрә, Туран вә түрк дүнјасы илә бағлы сәнәди Сәмәргәндә тәгдим едәндә мәлум олду ки, Илһам әлијев ону илк дәфәдир охујур. Һәмин ҝөрүшдән аз әввәл АБШ Дөвләт Департаменти бәјанат јајараг Иранын тәзјигләри гаршысында АБШ-ын Азәрбајҹан Республикасына дәстәк верәҹәјини бәјан етди. Ҝөрүнүр, Илһам Әлијевин мәлум ачыгламасы һәм дә АБШ-ын һәмин дәстәјинә ҹаваб иди.
Експерт Әрдоғанын вә Түркијәнин индики һөкмдарларынын Бөјүк Туран мәсәләсини сијаси иш һесаб едәрәк дејиб: “Ататүрк вә Исмәт Инөнүнү әјјаш һесаб едәнләр Туран дүшүнҹәсини дәстәкләјә биләрми? Әҝәр Әрдоған доғрудан да Тураны гурмаг истәјирдисә, нијә ишинә нео-османчылыг идејасы илә башлады вә нијә јени Османлычылыг идејасыны Туранчылыға чевирди?!”
Ә.Оруҹлу әлавә едиб ки, өз һакимијјәтини горумаг үчүн Русијаја сығынан лидерләрин Туран-ы гурмасы әбәс һәрәкәтдир. “Туран тәфәккүрүнү Азәрбајҹан Республикасында тәблиғ едәнләр неҹә олду ки, 10 нојабр 2020-ҹи ил тарихли мүгавиләдә Русија һәрби гүввәләринин Азәрбајҹан Республикасы әразисинә јерләшдирилмәсинә разылыг верди? Рус һәрбчиләри илә Туран гурмаг истәјирләр?! Әҝәр Түркијә бу мүгавиләјә разы дејилдисә, бу Туран гуруҹулары буна неҹә разы олдулар вә Түркијә 10 нојабр мүгавиләси вә Русија һәрби гүввәләринин Азәрбајҹан Республикасы әразисиндә јерләшдирилмәси илә разылашдыса, бу, милли тәһлүкәсизлик консепсијасы вә Азәрбајҹан Республикасынын милли мараглары илә зиддијјәтдәдир”, - дејә Әрәстун оруҹлу гејд едиб.
342/