Өлкәнин шимал-гәрб бөлҝәсиндә сепаратчы-террорчу гараҝүруһларын һәрәкәтләринин ардынҹа, Сепаһ-ын гуру гошунларынын “Һәмзеји-Сејјидүшшүһәда” гәрарҝаһынын иҹтимаи әлагәләр шөбәси бир мәлумат јајыб.
Мәлуматын мәтни беләдир:
Бисмиллаһир-рәһманир-рәһим
Өлкәнин шимал-гәрбиндәки анти-Иран сепаратчы-террорчу гараҝүруһларын вә гулдурларын һәрәкәтләри вә бәзи бөлҝәләрдә әмин-амансызлыг вә фитнәкарлыг јаратмаларынын ардынҹа Сепаһ-ын гуру гошунларынын “Һәмзеји-Сејјидүшшүһәда әлејһиссәлам” гәрарҝаһы ҹоғрафи тапшырыг һүдудларындакы гүввәләрини ҝүҹләндирмәк вә јерли гејрәтли әһалинин һәмкарлығындан бәһрәләнмәклә, бөлҝәдә әмин-амансызлыг јарадан амилләрлә гәтијјәтлә мүбаризә апараҹаг.
Ону да вурғулајаг ки, шимал-гәрб сәрһәд вилајәтләринин гејрәтли вә шәрәфли әһалисинин вә бөлҝәнин тәһлүкәсизлијини өз гырмызы хәттимиз һесаб едирик.
Дүнја империализминин муздлу террорчуларына вә силаһлы гулдурлара гәтијјәтлә хәбәрдарлыг едирик ки, халг үчүн әнҝәлин төрәдилмәси вә әмин-амансызлығын јарадылмасынын, һәмчинин фитнәкарлыгларын давам едәҹәји тәгдирдә, “Һәмзеји-Сејјидүшшүһәда” гәрарҝаһынын дөјүшчүләри вә тәһлүкәсизлик вә низам-интизамы горујан диҝәр гүввәләр, онларла гәтијјәтли рәфтары ҝүндәмә ҝәтирәҹәкләр.
Иран халгынын дүшмәнләри дәфәләрлә тәҹрүбә едибләр ки, Ислам Ингилабы Кешикчиләри Корпусу- Сепаһ-ын шүҹаәтли дөјүшчүләри даима ваһид, мүттәфиг, мүстәгил, гүдрәтли, ҝүҹлү вә әмин-аман Иранын һимајәдары олмуш бу бөлҝәнинин гејрәтли әһалиси илә чијин-чијинә, дүнја империализминин муздлу гараҝүруһларынын фитнәләрини зәрәрсизләшдириб, стабил тәһлүкәсизлик вә асајиши горујублар.
342/