Һүсејн Әмир-Абдуллаһијан твиттер сәһифәсиндә јазыб: “Үмуми әмлака зијан вурмаг вә дағытмаг дүнјанын һеч бир јериндә дөзүлән дејил. Иран да бу гајдадан мүстәсна дејил. Авропа Иттифагы бу ҝүн чохсајлы сәһв мәлуматлар әсасында сәһв һесабламалары вә гејри-конструктив аддымлары илә јенидән иранлылара гаршы тәсири олмајан санксијалара әл атды.”
Гејд едәк ки, Әмир-Абдуллаһијан бундан өнҹә Авропа Иттифагы тәрәфиндән Ирандакы етираз вә иғтишашлара ҝөрә санксијаларын тәтбиги барәдә хәбәрдарлыг етмишди. О бу ачыгламасында Иранла Авропа Иттифагынын даһа бөјүк мигјаслы мәсәләләрдә әмәкдашлығынын өнәмсәнилмәсини истәмишди.
Авропа Иттифагынын ХИН рәһбәрләринин өтән ҝүнкү гәрарындан сонра Иранын Информасија технолоҝијалары назири Иса Зарепур да дахил олмагла 11 рәсмисинә вә дөрд гурумуна санксија тәтбиг едилиб. Санксијалар бу шәхсләрин һесабларынын дондурулмасы вә онларын Авропа визаларындан мәһрум едилмәсини һәдәфдә тутур.
342/