АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иран ордусунун дәниз гошунлары команданынын әмәлиййат үзрә мүавини вә үчтәрәфли Иран-Русийа-Чин маневринин сөзчүсү контр-адмирал Голамреза Тәһани бу маневрин мәтбуат конфрансында дейиб: Һинд океанынын шимал бөлҝәси чох тәһлүкәсиз бөлҝәдир вә бу сабит тәһлүкәсизлик Иран силаһлы гүввәләринин гүдрәти илә йарадылыбдыр.
Иран ордусунун дәниз гошунлары команданынын әмәлиййат үзрә мүавини бөлҝәдә тәһлүкәсизлийин мөһкәмләндирилмәси, дәниз тиҹарәти тәһлүкәсизлийинин ҝүҹләндирилмәси, дәниз гулдурлуғу вә терроризми илә мүбаризә, дәниз йардымы вә хиласкарлығы саһәләриндә мәлумат мүбадиләси, һәмчинин әмәлиййат вә тактика тәҹрүбәләри мүбадиләсини бу дөрдҝүнлүк маневрин һәдәфләриндән адландырыб.
Русийа Мүдафиә Назирлийи дүнән ҝеҹә бир ачыгламада билдириб ки, илк дәфә кечирилән үчтәрәфли Иран-Русийа-Чин маневри дәниз гулдурлары васитәсилә оғурланмыш ҝәмиләрин азад едилмәләрини симуласийа едир.
Русийа Мүдафиә Назирлийи билдириб ки, бу өлкәнин Балтик дәнизи донанмасынын үч әдәд ҝәмиси Иран вә Чинлә бирҝә дәниз маневриндә иштирак едәҹәк.
...........
340
28 dekabr 2019 - 10:32
Xəbər kodu: 996945
Иран, Русийа вә Чинин бирҝә дәниз маневри, бу ҝүн “Коллектив бирлик вә әмәкдашлыг сайәсиндә сүлһ, достлуг вә сабит тәһлүкәсизлик” месажы илә Һинд океанынын шималында башланыб.
