АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, ливанлы етиразчыларын бир групу бетон блоклар, зибил гутулары вә йандырдыглары тәкәрләрлә баррикадалар гуруб. Бунун ардынҹа асайиш кешикчиләри йоллары ачмаг вә етиразчылары дағытмаг үчүн су шырнағы вә ҝөзйашардыҹы газдан истифадә едибләр.
Ливанын Мүлки Мүдафиә Тәшкилаты базар ҝүнү декабрын 15-дә аксийачылар вә тәһлүкәсизлик гүввәләри арасында баш верән гаршыдурмада һәр ики тәрәфдән 60 нәфәрин йараландығыны билдириб.
Ливанын дахили ишләр назири Райа Әл-Һәсән бир бәйанат йайараг, бу өлкә халгынын динҹ аксийаларыны йайындырмаг мәгсәдилә шүбһәли үнсүрләрин етиразчылар арасына сыздығыны сөйләйиб. Һөкумәт рәсмиси вурғулайыб ки, бәзи шүбһәли үнсүрләр сийаси мәгсәдләр үчүн халг етиразларындан суи-истифадә едәрәк тәһлүкәсизлик вә орду гүввәләри илә аксийачылар арасында гаршыдурма йаратмаг ниййәтиндәдирләр.
Ливанын Дахили Тәһлүкәсизлик Гүввәләринин баш директору Имад Осман етиразшылары гануна һөрмәт етмәйә вә динҹ аксийалар кечирмәйә чағырыб.
Бейрутдан дахил олан башга мәлумата ҝөрә, Ливанын президенти вә парламентариләр арасында баш назир вәзифәсинә намзәдин ирәли сүрүлмәси барәдә мәсләһәтләшмә гәрара алыныб.
..........
340
17 dekabr 2019 - 11:17
Xəbər kodu: 994573
Бейрутун әсас күчә вә проспектләриндә хүсусилә дә бу шәһәрин мәркәзиндә йерләшән Әл-Мәрәз проспектиндә отураг аксийа кечирән онларла ҝәнҹ полис вә тәһлүкәсизлик гүввәләринә даш атараг онларла тоггушуб.
