АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Әссумәриййә интернет порталынын вердийи мәлумата ҝөрә, депутатларын әксәриййәтинин иштиракы илә тәшкил олунан Ираг парламентинин бу иҹласында өлкә конститусийасынын 75-ҹи маддәсинә истинадла Адил Әбдүл-Мәһдинин истефа тәләби гәбул едилиб вә президент Бәрһәм Салеһдән йени һөкумәтин башчысыны парламентә тәгдим етмәси истәнилиб.
Адил Әбдүл-Мәһди ҹүмә ҝүнү бир бәйанат йайараг билдирди ки, мөвҹуд шәраити нәзәрә алараг вә халг етиразларындакы давамлы кобудлуг һалларынын гаршысыны алмаг үчүн парламенти йени һөкумәтин гурулмасы барәдә гәрар гәбул етмәйә чағырыр. Әбдүл-Мәһди дүнән ҝеҹә өз истефасыны рәсмән парламентә тәгдим етди.
Ираг парламентинин сәдри Мәһәммәд Әл-Һәлбуси парламентин бу ҝүнкү иҹласында дейиб: Конститусийанын 76-ҹы маддәсинә әсасән өлкә президенти йени баш назирин адыны парламентә тәгдим етмәк үчүн бир айлыг мөһләтә маликдир.
.........
340
2 dekabr 2019 - 10:25
Xəbər kodu: 990802
Ираг парламенти өзүнүн бу ҝүнкү иҹласында баш назир Адил Әбдүл-Мәһдинин истефа тәләби илә разылашыб.
