АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Ислам Ингилабынын Бөйүк Рәһбәри Һәзрәт Айәтуллаһулузма Хаменеи бу ҝүн сәһәр Иран Ислам Республикасы гурулушунун мәсул шәхсләри, Ислами Бирлик конфрансында иштирак едән гонаглар, ислами өлкәләрин сәфирләри вә халгын мүхтәлиф тәбәгәләриндән бир групу илә ҝөрүшдә белә гейд едибләр: Америка башда олмагла Исламын дүшмәнләри Исламын принсипи вә бүтүн ислами өлкәләрлә мүхалифдирләр вә онларын бизим реҝиондакы әсас силаһы, һәссас вә гәрар чыхарылан мәркәзләрә сызма, халгларда тәфригә салма вә проблемләрин һәлл йолу кими Америка гаршысында тәслимолма-дыр ки, бу планларын мүгабилиндә әлаҹ йолу, һагг йолунда мүгавимәт вә зийаландырмадыр.
Ислам Ингилабынын Бөйүк Рәһбәри вәһдәтин дәрәҹәләрини садалайараг, Ислам Дүнйасынын бирлийиндә ән ашағы дәрәҹә вә биринҹи аддымы "ислами мәзһәбләр, гөвмләр, һөкумәтләр вә ҹәмиййәтләрин бир-бириләринә тәҹавүз етмәк вә зәрбә вурмагдан чәкинмәләри" вә " мүштәрәк дүшмән гаршысында иттифаг" адландырыб вә белә сөйләйибләр: Даһа йүксәк дәрәҹәләрдә ислами өлкәләр йени ислами сивилизасийайа чатмаг истигамәтиндә сийаси гүдрәт, тәһлүкәсизлик, сәрвәт вә елмдә бир-бириләрилә һәмкарлыг етмәли вә чалышмалыдырлар ки, Иран Ислам Республикасы да мәһз бу ҹәһәти, йәни йени ислами сивилизасийайа чатмағы өзүнүн сон һәдәфи гәрар верибдир.
Һәзрәт Айәтуллаһулузма Хаменеи Шимали Африка, Гәрби Асийа вә Јәмәндәки ганлы савашлар вә Фәләстин мәсәләси дахил олмагла Ислам Дүнйасында мөвҹуд олан мүсибәтләрин мүштәрәк дүшмән гаршысында бирлик/ вә тәҹавүздән чәкинмә принсипинә садиг галмамагдан ирәли ҝәлдийини билдириб вә белә гейд едибләр: Бу ҝүн Ислам Дүнйасынын ән бөйүк мүсибәти, Фәләстин мәсәләсидир ки, бир милләти өз еви вә вәтәниндән дидәрҝин салыблар.
О һәзрәт дүшмәнләрин Имам Хомейни(р.ә)-ин вә ислами гурулушун мәсул шәхсләринин "Исраилин мәһви" барәдәки тәкидләринин мәнасынын тәһриф олунмасы үзрә сәйләринә ишарә едәрәк, дейибләр: Биз Фәләстинин, онун истиглалиййәти вә ниҹатынын тәрәфдарыйыг вә Исраилин мәһви, йәһуди халгынын мәһви демәк дейилдир, зира бизим онларла һеч бир ишимиз йохдур, неҹә ки, бизим өлкәмиздә дә бир груп йәһуди там тәһлүкәсизликдә йашайыр.
Һәзрәт Айәтуллаһулузма Хаменеи вурғулайыблар: Фәләстин халгы, бу өлкәнин әсас саһибләри олан мүсәлман, христиан вә йәһудиләр өзләри өз һөкумәтләрини сечә билмәлидирләр вә әҹнәбиләр вә Нетанйаһу кими хулиганлары чыхармалы вә өз өлкләләрини идарә етмәлидирләр.
Ислам Ингилабынын Бөйүк Рәһбәри Ислам Дүнйасынын дин алимләри вә зийалыларынын вәзифәсини сон дәрәҹә өнәмли адландырыб вә белә вурғулайыблар: Гүдрәтлә һаггы мүдафиә един, дүшмәндән горхмайын вә билин ки, Ислам Дүнйасы Аллаһ-Тааланын көмәклийи илә чох да узаг олмайан бир ҝәләҹәкдә өзүнүн парлаг арзуларынын һәйата кечмәсини ҝөрәҹәкдир.
...........
340
