АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иранын Шәрги Азәрбайҹан вилайәтинә сәфәр етмиш Азәрбайҹан Республикасынын Теһрандакы сәфири Бүнйад Һүсейнов дүнән ахшамчағы Тәбриз Тиҹарәт, Сәнайе, Мәдән вә Кәнд Тәсәррүфаты Отағынын сәдри Јунис Жаеле илә ҝөрүшдә Теһран-Бакы игтисади әлагәләринин 74 фаизлик артымыны ики өлкәнин халглары вә мәсул шәхсләринин гаршылыглы әмәкдашлыглары ҝенишләндирмәйә олан марагларынын нишанәси адландырыб. Дейиб ки, һал-һазырда ики өлкәнин игтисади фәалларынын һәмкарлыгларынын ҝенишләнмәси үзрә атмосфер даһа чох мөвҹуддур.
Һүсейнов гейд едиб ки, сон илләр ики өлкә президентләри гаршылыглы мүнасибәтләрин ҝенишләндирилмәси истигамәтиндә бир-бириләри илә он ики ҝөрүш кечирибләр. О, әлавә едиб: Һәр ики һөкумәт мүнасибәтләри ҝенишләндирмәк үчүн индийәдәк тәсирли аддымлар атыб вә ики өлкәнин игтисади фәалларынын өзәл сектордакы имканларындан мүнасибәтләрин ҝенишләндирилмәсиндә бәһрәләнмәнин вахты ҝәлиб чатыбдыр.
Тәбриз Тиҹарәт, Сәнайе, Мәдән вә Кәнд Тәсәррүфаты Отағынын сәдри Јунис Жаеле дә бу ҝөрүшдә үмидарлыг едибдир ки, Иран-Азәрбайҹан Республикасы игтисади әлагәләринин ҝенишләндирилмәси йолунда мөвҹуд олан проблемләрин арадан галдырылмасы илә икитәрәфли мүнасибәтләр даһа да инкишаф едәҹәк.
Азәрбайҹан Республикасынын рәсми мәнбәләринин мәлуматларына ҝөрә, 2018-ҹи илдә Теһран-Бакы тиҹарәт дөвриййәсинин һәҹми 74 фаиз артараг, 446 милйон доллара чатыбдыр.
.........
340
