ӘһлиБейт (әлейһимус-сәлам) - АБНА - Һәсән Руһани дүнән ҝеҹә Иранын үчлү һакимиййәти башчыларынын иҹласынын сонунда дейиб: Иран нүвә анлашмасы өһдәликләринин азалдылмасы үзрә 3-ҹү аддымыны ҹүмә ҝүнүндән атаҹаг вә онун чәрчивәсиндә Атом Енержиси Тәшкилаты нүвә технолоҝийасынын ҝенишләндирилмәси вә тәдгигат саһәсиндә еһтийаҹ дуйулан иши ҝөрмәлидир.
Иран президенти сөйләйиб: Иранын Атом Енержиси Тәшкилаты тәдгигат вә инкишаф саһәсиндә нүвә анлашмасы үзрә бүтүн өһдәликләрини кәнара гойсун вә йени сентрифугалар саһәсиндә инкишаф вә зәнҝинләшдирмәйә лазым олан һәр бир иши сүрәтлә һәйата кечирсин.
Иран президенти дейиб: Нүвә анлашмасында тәдгигат вә инкишаф үзрә бүтүн заман ҹәдвәлләри ҹүмә ҝүнүндән етибарән там шәкилдә ҝөтүрүләҹәк вә Иран нүвә технолоҝийасы саһәсиндә ирәлиләйиш вә техники ҹәһәтдән еһтийаҹ дуйдуғу һәр бир иши Атом Енержиси үзрә Бейнәлхалг Аҝентлийин нәзарәти илә вә сүлһсевәр һәрәкәт чәрчивәсиндә һәйата кечирәҹәк.
Руһани дейиб: Иранын аддымлары Атом Енержиси үзрә Бейнәлхалг Аҝентлийин гайдалары чәрчивәсиндә атылаҹаг. Авропалыларын гаршысында диҝәр бир 60 ҝүн дурур вә онларын өз өһдәликләринә ҝери дөндүкләри заман Иран да өз нүвә өһдәликләринә гайыдаҹагдыр.
Руһани нүвә мүзакирәләри мәсәләсинә дә ишарә едиб. О, дейиб: Америкалылар 16 ай бундан өнҹәдән үч һәдәфи изләйирдиләр. Онларын мүһүм вә илкин һәдәфи, гурулушун дәйишдирилмәси иди вә сонракы һәдәф бу иди ки, әҝәр биринҹи һәдәфә чата билмәсәләр, Иран Ислам Республикасы гурулушуну зәифләтсинләр.
Иран Ислам Республикасынын президенти сөйләйиб: Америкалыларын үчүнҹү һәдәфи дә бу иди ки, мүзакирәни өз истәдикләри тәрздә Ирана гәбул етдирсинләр вә бу мүзакирә Ирана гаршы кәскин санксийа илә бирликдә олсун ки, беләликлә онларын бәһсетмә гүдрәти артмыш олсун.
.......
340
