(ABNA24.com) Русийа президенти Владимир Путин дүнән Жуковски шәһәриндә өз түрк һәмкары Рәҹәб Таййып Әрдоған илә бирҝә мәтбуат конфрансында билдириб ки, о, Сурийа бөһранынын һәлли барәдә Түркийә вә Иран президентләри илә данышыглар апармаг үчүн сентйарбын орталарында Анкарайа ҝедәҹәк.
Путинин Сурийа мәсәләләри үзрә хүсуси нүмайәндәси Александр Лаврентйев бундан өнҹә билдирмишди ки, Сурийа бөһранынын бүтүн ҹәһәтләри, о ҹүмләдән инсани вә сийаси мәсәләләр, һәмчинин мейдан шәраити Иран, Русийа вә Түркийә башчыларынын бешинҹи саммитиндә арашдырылаҹаг.
Һәмчинин Русийа президенти Түркийә президенти илә бирҝә мәтбуат конфрансында дейиб: Москва вә Анкара Сурийанын әрази бүтөвлүйүнүн горунмасына сәдагәт барәдә фикир бирлийинә маликдирләр.
Владимир Путин дейиб: Әрдоғанла Сурийада террорчуларын фәалиййәт мәркәзинин мәһв едилмәси үчүн лазым олан тәдбирләрин ҝөрүлмәси ваҹиблийи һагда фикир бирлийинә маликдир.
Русийа президенти әлавә едиб ки, бу ҝөрүшдә онлар Сурийадакы ҝәрҝинлийин азалдылмасы мәнтәгәсинин террочулар үчүн бир сығынаҹаг олмамасы барәдә разылыға ҝәлибләр.
Путин Астана мүзакирәләри чәрчивәсиндә Сурийа бөһранынын һәлли үчүн ики өлкә әмәкдашлығынын давам етмәсиндән дә хәбәр вериб. Билдириб ки, Түркийәнин, онун ҹәнуб сәрһәдләринин тәһлүкәсизлийинин тәмини барәдәки истәйинә дәстәк верир.
Владимир Путин һәмчинин дейиб ки, Русийа вә Түркийә Сухой-35 вә Сухой-57гырыҹылары барәдә бирҝә фәалиййәтләр апара билләрләр.
Әрдоған да бу ҝөрүшдә С-400 зенит ракет системләринин Түркийәйә тәһвил верилмәсинә ишарә едәрәк, вурғулайыб ки, Путинлә диҝәр мүдафиә һәмкарлыглары барәдә дә данышыбдыр.
Түркийә президенти һәмчинин дейиб: Бу ҝөрүшдә Сурийанын шималында вә Фәратын шәрг бөлҝәсиндә тәһлүкәсиз бир мәнтәгәнин йарадылмасы мәсәләси нәзәрдән кечирилиб.
Русийа вә Түркийә президентләри һәмчинин дүнйанын ән бөйүк бейнәлхалг авиасийа сәрҝиләриндән олан Макс-2019-да олублар.
Әрдоған өз рус һәмкары илә ҝөрүш мәгсәдилә дүнән Русийайа сәфәр етди. Сурийа мәсәләси, Түкрийә һәрби гүввәләринин Сурийа әразисинә дахил олмалары вә Дәмәшгин бу аддымларла бағлы кәскин тәнгидләри ики тәрәфин данышыгларынын әсас истигамәти олубдур.
......
340
