(ABNA24.com) Иран дөвләтинин сөзчүсү Әли Рәбии бу ҝүн бир мәтбуат конфрансында билдириб ки, сионист режим бөлҝә әһалисинин тәмкинлилийиндән суи-истифадә етмәмәлидир.
О, әлавә едиб: Иран/ Ираг, Сурийа вә Ливан халгларынын гануни мүдафиә һагларына дәстәк верир.
Рәбии Ливан Һизбуллаһынын баш катиби Сеййид Һәсән Нәсруллаһын сионист режимә хәбәрдарлығыны тәҹавүзкарлара верилән гәтиййәтли месаж адландырыб. Гейд едиб ки, сионист режим сон айларда бейнәлхалг ганунлары һәйасызҹасына позубдур.
Иран дөвләтинин сөзчүсү сионист режим пилотсузунун Ирагда Әлһәшдушшәбинин базаларына тәҹавүзү һагда исә белә дейиб: Иран Ислам Республикасы сионист режимин тәҹавүзләри илә мүбаризә үчүн ираглылара әлиндән ҝәлән йардымы ҝөстәрәҹәк.
Рәбии һәмчинин Иранын "Грис 1" танкеринин вәзиййәтинә тохунараг, дейиб: Иран бу ҝәминин нефтини сатыб вә инди нефтин алыҹысы вә саһибинин өзү йүкүн һара ҝетмәси барәдә гәрар чыхараҹаг.
Иран дөвләтинин сөзчүсү Иранын хариҹи ишләр назири Мәһәммәд Ҹавад Зәрифин Франсайа сәфәринә дә ишарә едиб: Зәрифин сәфәринин йеддиләр групунун саммити илә һеч бир әлагәси олмайыб вә Франсанын хаһиши илә һәйата кечирилибдир.
Рәбии вурғулайыб: Иранда америкалы рәсмиләрлә ҝөрүшә һеч бир тәмайул йохдур.
......
340
