(ABNA24.com) Ҹәнуби Корейа ордусу билдириб ки, Шимали Корейа өз шәрг саһилиндән ики намәлум атыш һәйата кечирибдир.
Бу, сон үч һәфтәдә Шимали Корейанын йеддинҹи ракет сынағыдыр.
Шимали Корейанын рәһбәри Ким Чен Ын бу өлкәнин йени ракет сынагларыны Америкадан силаһ идхалатыны, һәмчинин Вашингтонла бирҝә маневрләр кечирмәйи дайандырмаг барәдә Сеула хәбәрдарлыг адландыырыбдыр.
Америка вә Ҹәнуби Корейанын бирҝә һәрби маневри августун 15-дән башланыб вә 25 ҝүн давам едәҹәкдир.
Шимали Корейа Америка илә нүвә тәркисилаһы мүзакирәләринин башланмасындан бир нечә ай өнҹәдән өз нүвә вә ракет сынагларыны дайандырмышды, амма бу мүзакирәләрин уғурсуз галмасындан сонра ракет вә нүвә програмыны инкишаф етдирмәк истигамәтиндә аддымлар атыбдыр.
Шимали Корейа лидери Ким Чен Ын вә АБШ президенти Доналд Трамп сон бир илдә үч дәфә ҝөрүшүбләр.
2018-ҹи ил ийунун 12-дә Сингапурда кечирилән илк ҝөрүшдә ики тәрәф бир сәнәд имзалады. Һәмин сәнәдә әсасән, Пхенйан там нүвә тәркисилаһы һәйата кечирмәли, Америка да Шимали Корейайа тәһлүкәсизлик зәманәтләри вермәли иди.
Лакин АБШ Сингапур сазишләри чәрчивәсиндә һеч бир әмәли аддым атмады вә бу, Пхенйанын тәнгидләринә сәбәб олду.
Шимали Корейа ики өлкәнин данышыгларынын уғурсуз олмасынын әсас сәбәбини, АБШ-ын өз өһдәликләринә әмәл етмәмәси вә бу өлкәнин тамаһкарлығы адландырыбдыр.
......
340
