(ABNA24.com) Бригада ҝенералы Әмир Һатәми дүнән ҝеҹә Иран Ислам Республикасынын ТелеРадио Тәшкилатынын Хәбәр телеканалынын “Бу ҝеҹәнин башлығы” адлы верилиши илә мүсаһибәдә дейиб: Санксийа сыхынтылары вә проблеминин кәнарында ҹиһади сәй, етигад вә стимул Иранын мүдафиә ҝүҹүнүн ҝүнү-ҝүндән артмасына сәбәб олубдур.
Ҝенерал Һатәми сөйләйиб: Тәһдид вә санксийалар шәраитиндә Иранда йахшы тәһлүкәсизлик һөкм сүрүр.
Иранын мүдафиә назири хариҹи мүәссисәләрин 55 мүхтәлиф ҝөстәриҹийә малик дәйәрләндирмәләринә ишарә едәрәк, дейиб: Бәзи Гәрб сайтларынын мәлуматларына ҝөрә, 2018-ҹи илдә 136 өлкә арасында Иранын һәрби ҝүҹү вә дәрәҹәси 20-дән 13-ә йүксәлибдир.
Бригада ҝенералы Әмир Һатәми вурғулайыб: Бу ҝүн Иранын мүдафиә сәнайесинин мәһсуллары ингилабдан өнҹәки 31 групдан Ислам Ингилабынын гәләбәсиндән сонра 770-дән чох група чатыбдыр.
Иранын мүдафиә назири тәһдид вә санксийаны Иранын һәрби истиглалиййәти үчүн бир имкан адландырыб вә белә дейиб: Санксийалар сәбәб олду ки, Иран бүтүн сыхынтыларда өз дахили баҹарығына сөйкәнмиш олсун.
........
340
