Әһли Бејт (әлејһимус-сәлам) - АБНА – Хәбәр Аҝентлији: Һәзрәт Пејғәмбәр (с) бујурур: “Һәр ким бир ҝеҹә вә ҝүндүз хәстәјә гуллуг едәрсә Аллаһ ону Ибраһим Хәлил (ә) илә мәһшур едәр вә Сират көрпүсүндән ишыг сүрәти илә кечәр”.
Хәстәјә бир ҝүн бахмаг – инсаны Сиратдан кечирән әмәлләрдәндир. Һәр кимин бу көрпүдән сағ-саламат кечмәк горхусу вардырса, онда бу әмәл илә өзүнү сығорталашмыш олар.
Хәстәјә гуллуг етмәк асан бир иш дејилдир, анҹаг инсан әҝәр бу иши бојнуна ҝөтүрүрсә, ону ҝәрәк ҹанла-башла јеринә јетирсин. Садәҹә ахирәт нијјәтилә дејил, һәм дә хәстәни шад едиб, севиндирмәк нијјәтилә јеринә јетирмәлидир. Чалышмалыдыр ки, онун көнлүнү алсын вә дәрдини кичик дә олса, азалтсын.
Хәстәјә хидмәт етмәк о гәдәр әһәмијјәтли бир мөвзудур ки, Әлламә Тәбатәбаи бујурмушдур: “Мән, бүтүн ҝеҹә намазларымын савабыны бир ҝеҹә хәстәјә гуллуг етмәјин савабы илә дәјишмәјә һазырам”.
Алим бу гәдәр әзијјәт чәкмиш вә узун илләр боју ҝеҹә намазы гылмышдыр. Анҹаг хәстәјә бир ҝүн гуллуг етмәјин савабындан аҝаһ олдуғу үчүн, бујурур ки, бүтүн бу саваблары бир ҝеҹә хәстәјә гуллуг етмәјин савабы гаршылығында вермәјә һазырдыр.
Бир һалда ки, Мүгәддәс Гуран бујурур ки, ҝеҹә намазынын савабы сонсуздур вә Аллаһын јанындадыр. Һеч кәс онун нә гәдәр олдуғундан вә нә олдуғундан хәбәрдар дејилдир, Аллаһдан башга. Анҹаг алим бујурур ки, мән бу саваблары вермәјә һазырам. Демәли хәстәјә гуллуг етмәк о гәдәр бөјүк әһәмијјәтә маликдир ки, Әлламә кими бир алим бу сөзү дилинә ҝәтирмишдир.
Аллаһ Тәала бизә кичик ҝөрүнә билән бөјүк әмәлләри јеринә јетирмәјә Өзү тофигат версин.
Диггәт: Хәбәрдән истифадә етдикдә мәнбәјә истинад лазымдыр
9 may 2019 - 13:14
Xəbər kodu: 940344
Хәстәјә бир ҝүн бахмаг – инсаны Сиратдан кечирән әмәлләрдәндир. Һәр кимин бу көрпүдән сағ-саламат кечмәк горхусу вардырса, онда бу әмәл илә өзүнү сығорталашмыш олар.
