Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, өтән ҝүн сосиал шәбәкәләрдә АБШ, Гәрб иттифагы вә сионист режими тәрәфиндән јарадылмыш гондарма "ИШИД" адлы террор тәшкилатнын өлдүрүлмүш лидери Әбу Бәкр Бағдадинин иддиа олундуғу јени ҝөрүнтүләри јајымланыб.
ИШИД террор тәшкилатынын әсас медиа ресурсларындан бири олан “Фурган” бу ҝөрүнтүләри Телеҝрам каналында пајлашыблар. Видеонун јазылма тарихи дәгиг мәлум дејилдир.
Ҝөрүнтүдә иддиа олунан "Әбу Бәкр Бағдади" илк өнҹә Суријанын шәргиндә јерләшән әл -Бағузә шәһәри уғрундакы дөјүшләрдән вә ИШИД террорчуларынын бу шәһәрдән говулмасындан сөз ачыр. О дејир: "әл Бағузә дөјүшү дә сона чатды. Анҹаг биз дүшмәнә гаршы түкәнмә мүһарибәсинә давам етдирәҹәјик."
Јени пејда олмуш әл Бағдади даһа сонра иддиа едиб ки, Шри- Ланкада кечирилән Пасха Бајрамы заманы баш верән террор һадисәси ИШИД гүввәләринин Суријанын әл Бағузә шәһәриндәки мәғлубијјәтинин ҹавабы иди.
Даһа сонра террорчуларын “вилајәтләриндәки” вәзијјәт барәдә һесабат верилир. О, Шри Ланка террорчуларынын биәтини гәбул етдијини билдирир.
Бундан әлавә, ҝөрүнтүләрдә Русијада фәалијјәт ҝөстәрән “Гафгаз Вилајәти” террор груплашмасы вә јени “Түркијә Вилајәти” говлуглары ҝөрүнүр.
Диггәт: Хәбәрдән истифадә етдикдә мәнбәјә истинад лазымдыр
