Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Сурија президенти ҹәнаб Бәшшар Әсәд Чин Халг Республикасынын хариҹи ишләр назиринин мүавини илә ҝөрүшүндә һәр ики өлкәләрин сијасәт, һәрби, игтисади, мәдәни-маариф вә технолоҝија аренасында әлагәләрин апарылмасынын зәрурилијинә тәкид етди.
Доктор Бәшшар Әсәд Чен Шијао Донҝ илә ҝөрүшүндә вурғулады: "Сурија әлејһинә апарылан мүһарибә мүһарибә вә игтисади блокада илә әвәз олунараг өзүнә јени форма алыб. Бејнәлхалг сијасәт васитәләри дәјишиләрәк санксијалардан, сәфирләрин ҝери чағырылмасындан, игтисади блокада вә терроризимдән истифадә едирләр."
О, билдириб: "Суријада терроризимә гаршы апарылан мүһарибә бејнәлхалг сәвијјәдә терроризимә гаршы апарылан мүбаризәнин бир һиссәсидир. Терроризими мүәјјән бир ҹоғрафи бөлҝәјә вә мәнтәгәјә мәһдуд етмәк доғру дејилдир. Мәсафәләримиз чох олса да радикал идеолоҝијаја гаршы мүбаризәјә хәләл ҝәтирмир."
Чин Халг Республикасынын хариҹи ишләр назиринин мүавини Чен Шијао Донҝ да өз нөвбәсиндә билдириб ки, Чин илә Сурија дөвләти арасындакы әлагәләр стратежи вә узун мүддәтли әлагәдир. Чин һәр заман Сурија илә бүтүн саһәләрдә јүксәк сәвијјәдә әмәкдашлыг етмәјә һазырдыр.
Диггәт: Хәбәрдән истифадә етдикдә мәнбәјә истинад лазымдыр
