Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Американ коалисијасына мәхсус гырыҹы-бомбардманчы тәјјарәләр Суријанын шәргиндә мүһасирәдә олан "Бағуз" гәсәбәсини ағ фосфор бомбасы илә һәдәфә алыблар.
Мәлумата ҝөрә, бу ҝүн сәһәр Суријанын орду гүввәләри "Бағуз" гәсәбәсинә гаршы һәрби әмәлијјатда бир груп террорчуну өлдүрүбләр. Бу әмәлијјатын баш тутдуғу заманда Американ коалисијасынын гырыҹы-бомбардманчы тәјјарәләри террорчу груплашманын јардымына тәләсәрәк Сурија Ордусуну кимјәви силаһлар илә һәдәфә алыблар.
Бу бомбардман нәтиҹәсиндә Сурија ордусунун бир груп һәрбчиси өлүб вә јараланыб. Дүнән дә Американ коалисијанын гырыҹы-бомбардманчы тәјјарәләри Бағуз гәсәбәсиндә јерләшән Сурија Орду гүввәләрини һәдәфә алмышдылар.
Әл-Әрәби Әл-Ҹәдид информасија порталы јазыр: "Американ коалисијасы бу һүҹумлар илә бу мәнтәгәнин террорчулардан тәмизләнмәсинә мане олмаг вә террорчуларын хүсусилә дә онларын башчыларынын мәнтәгәдән чыхарылмасына фүрсәт јаратмаг истәјир."
Бағуз гәсәбәси Суријанын шәргиндә јерләшир вә ИШИД террорчуларынын өлкәдәки сон сығынаҹағы сајылыр. Һазырда јүзләрлә террорчу вә ИШИД-ин бир груп команданы бу гәсәбәдә мүһасирәдәдир. Террорчулар гәсәбә сакинләрини ҝиров ҝөтүрәрәк, онлардан ҹанлы дивар кими истифадә едирләр.
АБШ өтән илләрдә дәфәләрлә ИШИД илә мүбаризә бәһанәсилә Сурија вә Ирагда мүлки әһалини һәдәфә алыб.
Диггәт: Хәбәрдән истифадә етдикдә мәнбәјә истинад лазымдыр
