Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Идлиб әјаләти јахынлығына Түркијә режими тәрәфиндән дәстәкләнән әл-Нүсрә террор груплашмасынын үнсүрләри кимјәви силаһлардан истифадә едәрәк һүҹума кечәрәк нәтиҹәдә Сурија Ордусунун ики гүввәсини зәһәрләјибләр.
Террор груплашмасынын кимјәви һүҹумларына ҹаваб олараг Сурија Ордусунун Артирелијасы әл-Нүсрә јараглыларынын топлашдыглары мөвгеләрини ағыр топ атәшинә мәруз гојуб.
Һәмчинин әл-Нүсрә террор груплашмасынын бәзи үнсүрләри Идлиб әјаләтинин әкин саһәләриндән кечәрәк Сурија Ордусунун нәзарәтиндә олан әразиләрә нүфуз етмәк истәјәркән ағыр ҹаваб атәшләри илә үзләшибләр.
Гејд едәк ки, Әрдоған режими тәрәфиндән дәстәкләнән әл-Нүсрә террорчулары мүгавиләни позараг Идлибин ҹәнубунда јерләшән дөјүшләрин ҝетмәдији Шәммүл Һәва мәнтәгәсини кимјәви бомбаларла атәшә тутублар...
Билдирәк ки,Идлиб әјаләти Суријанын шимал бөлҝәсиндә Түркијә илә сәрһәд мәнтәгәдә јерләшир. Бу рајонда 3 милјондан артыг ҹәмијјәт јашајыр. Идлиб террорчу груплашмаларынын ән сон дајанаҹағы вә топарлашдығы мәнтәгәдир.
Диггәт: Хәбәрдән истифадә етдикдә мәнбәјә истинад лазымдыр
