Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ал-Алам хәбәр аҝентлијинин Гәззә Золағындакы журналисти ханым Исра Буһејси там ексклузив олараг јени һазырладығы "Вә Әидду" адлы сәнәдли филимдә Ислами Ҹиһад Тәшкилатына аид јералты ракет базалары вә емалатханаларыны чәкиб.
Гәззә Золағынын шимал наһијјәсиндә јерләшән јералты һәрби түнелләрдә чәкилән сәнәдли филмин әсас өзәллији Ислами Ҹиһад Тәшкилатынын Сүрәјја әл-Гүдс ганадынын командирләринин ракетләрин неҹә вә һансы шәраитдә истеһсал олунараг һазырланмасы һаггында вердикләри изаһатлардыр.
"Вә Әидду" адлы сәнәдли филимдә Иран Ислам Республикасынын истеһсалы олан вә Ливан Һизбуллаһ Тәашкилатынн тәриги илә Фәләстин Мүгавимәт Гүввәләринә өтүрүлән мүхтәлиф нөв о ҹүмләдән Фәҹр 1, Фәҹр 2, Фәҹр 3, Фәҹр 5 вә Бәдр 1 ракетләринин Ислами Ҹиһад Тәшкилаты тәрәфиндән һазырланан маневирләринин нүмајишидир.
Гејд едәк ки, Ислами Ҹиһад Тәшкилаты 1979-ҹу илдә Шәһид Фәтһи Шигаги Иран Ислам Республикасында баш верән Ислам Ингилабы вә Имам Хомејни (рәһмәтуллаһи әлејһ) һәзрәтләриндән Илһам алараг Мисирдән Гәззә Золағына дөнәрәк Мисир университетиндә тәһсил алан фәләстинли тәләбәбләрин көмәклији илә јарадылмышдыр.
Хатырладаг ки, Фәләстин Мүгавимәт Гүввәләринә ракет системләринин истеһсал едилмәси вә јералты базаларын газылыб тикилмәси просесини Ливан Һизбуллаһ Тәашкилатынын мәрһум әфсанәви ҝенералы Шәһид Имад Муғнијјә өјрәтмишдир.
Диггәт: Хәбәрдән истифадә етдикдә мәнбәјә истинад лазымдыр
