Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Русија Хариҹи Ишләр Назирлијинин сөзчүсү Марија Захарова АБШ әсҝәрләринин Суријадан чыхараг тәрк етдији торпагларын Дәмәшгин нәзарәтинә тәһвил верилмәли олдуғуну гејд едиб.
Захарова тәшкил етдији һәфтәлик мәтбуат конфрансында бунлары дејиб: “Америкалыларын тәрк етдикләри торпагларын нәзарәтинин кимә вериләҹәји суал јарадыр. Бејнәлхалг һүгугу вә Сурија халгынын кечдији просеси нәзәрә алсаг, бу Сурија һөкумәти олмалыдыр”.
Захарова АБШ бирликләринин Суријадан чыхмасы вахты вә бу гәрарын сәбәбләри илә бағлы бир ајдынлыг олмадығыны гејд едиб: “Шүбһәсиз ки, бу гәрарын әһәмијјәтини баша дүшүрүк. Гијмәтләндирмәјимизә ҝөрә, бу әһатәли бир һәлл тәмин олунмасы үчүндүр. Москва Сурија торпагларынын мүһүм һиссәсинин АБШ тәрәфиндән фактики ишғалынын Сурија бөһранынын һәлли үчүн ҹидди манеә олдуғу барәдә бир нечә дәфә хәбәрдарлыг етмишди”.
Диггәт: Хәбәрдән истифадә етдикдә мәнбәјә истинад лазымдыр
