Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, узун мүддәт Теһранда хәстәханаларын бириндә мүалиҹә алан Ислам Дүнјасынын Али тәглид Мәрҹәси, Иран Ислам Республикасынын Мәсләһәт Шурасынын сәдри Ајәтуллаһ Сејјид Маһмуд Һашими Шаһруди өтән ҝеҹә јерли вахт илә саат 22:03-дә 70 јашында вәфат едиб.
Бу мүнасибәтлә Үмүмдүнја Мүсәлманларынын Али Рәһбәри һәзрәт Ајәтуллаһ Узма Сејјид Әли Хаменеи башсағлығы вериб.
Имам Хаменеи ҹәнабларынын тәслијјәт мәтни беләдир:
Бисмиллаһир Рәһманир Рәһим
Иннә Лилләһ вә Иннә Илејһи Раҹиун
Тәәссүф вә һүзнлә гејд етмәлијәм ки, Алимәгамлы Фәгиһ вә "Ислам Һакимијјәтинин Мәсләһәтини Тәшхис Верән Шура"нын сәдри Ајәтуллаһ ҹәнаб Һаҹ Сејјид Мәһмуд Һашими Шаһрудинин (ризвануллаһи әлејһ) вәфат хәбәрини алдым.
Бир илә јахын мүддәт әрзиндә давам едән ағыр хәстәликдән сонра баш верән бу тәәссүфләндириҹи итки онун елми мәгамы, Ислам Һакимијјәтинә һәмчинин Елми Һөвзәнин Һүгуг вә Фигһ-Үсул иҹмаларына ҝөстәрдији дәјәри хидмәтләри илә таныш олан һәр бир шәхс үчүн ағрылы бир дәрдир.
Хејли мүхтәлиф әсәрләрин вә бәрәкәтли елми китаб вә мәгаләләрин саһиби олан Шаһруди ҹәнаблары Гум Елми Һөвзәсиндә бөјүк устад вә Ислам Ҹумһуријјәтинин ән мүһүм тәшкилатында вәфалы хидмәтчи, Кешикчиләр Шурасынын тәсиредиҹи үзвү вә "Ислам Һакимијјәтинин Мәсләһәтини Тәшхис Верән Шура"нын мүвәффәг сәдри иди.
О, һәмчинин 3 Шәһидин гардашы вә танынмыш даһи шәхсијјәт олан Шәһид Ајәтуллаһ Сејјид Муһәммәд Багир Сәдрин шаҝирди, сирдашы вә әмәкдашы иди.
Биз өз нөвбәмиздә бу танынмыш алимин мүсибәтли вәфатыны онун әзиз аиләсинә, һөрмәтли һәјат јолдашына вә ушагларына, она јахын оланлара, шаҝирдләринә, елми әмәкдашларына вә ону севәрләрә һәмчинин Гум Елми Һөвзәсинә тәслијјәт дејирәм. Аллаһ Тәаладан онун үчүн бағышланмаг, рәһмәт вә дәрәҹә алилијини диләјирәм.
Сејјид Әли Хаменеи
4. Деј. 1397 (25 .12. 2018)
Диггәт: Хәбәрдән истифадә етдикдә мәнбәјә истинад лазымдыр
