Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, бу ҝүн ишғалчы Исраил гүввәләри ишғал алтындакы Иордан чајынын гәрб саһилинин мүхтәлиф бөлҝәләриндә азы 20 сакини зоракылыгла һәбс едиб.
Мәлумата ҝөрә, шаһидләр ишғалчыларын тәкҹә Наблусда чохлу евләрә сохулдуғуну билдириб.
Бу сәбәбдән јерли ҝәнҹләрлә ишғалчы әсҝәрләр арасында гаршыдурма јашаныб. Орду етиразчылара тәрәф сәс вә ҝөзјашардыҹы газ гумбаралары атыб.
Бундан башга ишғалчы орду гүввәләри Рәмаллаһын Дејр-Низам кәндиндә дә зоракылыгла мүшајиәт олунан рејд кечириб. Иримигјаслы ахтарыш әмәлијјаты чәрчивәсиндә әһалијә хәбәрдарлыг вәрәгләри пајланыб, ордуја мүгавимәт ҝөстәрмәмәк тәләб едилиб.
Шаһидләр билдириб ки, сәһәр саатларында Исраил ордусу Галгилијјәнин әл-Нәггар кәндинә дә басгын едибләр вә бир нечә Фәләстин вәтәндашыны һәбс едибләр. Ишғалчы әсҝәрләр, һәмчинин кечмиш мәһбус Насир Нәззалын евинә сохулублар, ахтарыш апарараг евдә дағыныглыға сәбәб олублар, аилә үзвләрини саатларда сорғу-суала тутублар.
Диггәт: Хәбәрдән истифадә етдикдә мәнбәјә истинад лазымдыр
