Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Франсада сон шәнбә ҝүнләриндә олдуғу кими, бу шәнбә дә “сары жилет”лиләр етираз аксијаларына башлајыблар.
Франса мәтбуатынын вердији мәлуматлара ҝөрә, әввәлки етиразларла мүгајисәдә, бу шәнбә етиразлар даһа сакит мәҹрада давам едиб.
БФМ Франса ДИН-ә истинадән мәлуматына ҝөрә, тәкҹә Парисдә асајышын горунмасына 8 мин полис әмәкдашы бүтүн өлкә бојунҹа исә, 69 минә јахын полис әмәкдашы сәфәрбәр олунуб. Јохламалар заманы артыг она јахын шәхсин сахланылдығы билдирилир.
Франса ДИН-нин мәлуматына әсасән нојабрын орталарындан бәри сахланылан фәалларын сајы 4500 нәфәри өтүб.
Бүтүн бунлара бахмајараг “сары жилет”лиләр әлләриндә бәјаз гызылҝүлләр тутараг етиразлар башлајандан бу јана һәлак олан етиразчыларын хатирәсини бир дәгигәлик сүкутла јад едирләр.
Гејд едәк ки, Франсада нојабрын 17-дән бәри “сары жилетлиләр” һәрәкатынын етираз далғасы сәнҝимәк билмир. Етиразчылары ајаға галдыран һөкумәтин јанаҹаг гијмәтләрини вә верҝиләри галдырмасы, һәмчинин өлкәдә јашанан баһалашма (јашајыш хәрҹләринин артмасы) олуб.
Диггәт: Хәбәрдән истифадә етдикдә мәнбәјә истинад лазымдыр
