Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Сәудијјә Әрәбистанынын крал аиләсинин үзвләри бу режими тәнгид едән журналист Ҹамал Гашыгчынын гәтлә јетирилмәси галмагалына ҝөрә, краллыға намизәд олан сәуд вәлиәһдини дәјишмәк истәјирләр.
Мәлумата ҝөрә, онларла шаһзадә вә крал аиләсинин диҝәр үзвләри Муһәммәд бин Салман Али-Сәуду тахтда ҝөрмәк истәмирләр. Белә бир һалда, онлар Сәудијјә Әрәбистанынын 82 јашлы кралы- Салман бин Әбдуләзиз Али-Сәудун һәјатда олдуғу мүддәтдә бу истигамәтдә һәрәкәтә кечмәк фикриндә дејилләр. Кралын јахынлары белә һесаб едирләр ки, онун өз әзиз оғлуна гаршы чыхаҹағы мүмкүнсүз ҝөрүнүр.
Кралын өлүмүндән сонра аиләнин үзвләри кралын кичик гардашы 76 јашлы Әһмәд ибн Әбдуләзиз ибн Сәуду тахтда ҝөрмәк истәјирләр. Онун намизәдлијини Гәрб гүдрәтләри дә һимајә едирләр-дејә, мәнбәләр гејд едирләр. Бу мәнбәләр әлавә едирләр ки, тәгрибән ики һәфтә бундан өнҹә јүксәк вәзифәли америкалы рәсмиләр онун үнванына өз дәстәкләрини елан едирдиләр.
Вашингтон Пост гәзетинин бундан өнҹә билдирдији кими, Америка Мәркәзи Кәшфијјат Идарәси- МКИ бу нәтиҹәјә ҝәлибдир ки, Сәудијјә Әрәбистанында тахт-таҹа намизәд олан вәлиәһд Муһәммәд бин Салман Али-Сәуд-ун сәудијјәли журналист Ҹамал Гашыгчынын гәтли барәдә ҝөстәриш вермәси имканы вар.
Хатырладаг ки, бу журналист Вашингтон Пост гәзетиндә ишләјир вә 2017-ҹи илдән АБШ-да јашајырды. О, октјабрын икисиндә Сәудијјә Әрәбистанынын Истанбулдакы баш консуллуғунун бинасына ҝирдикдән сонра јоха чыхды. Сонрадан белә бир мәлумат јајылды ки, журналисти дипломатик тапшырыгларыны јеринә јетирән баш консуллуғун ишчиләри илә мүбаһисә едәркән өлдүрүбләр. Даһа сонра Әрријад Гашыгчынын гәсдән өлдүрүлдүјүнү етираф етди.
Гәтл иши илә бағлы 21 нәфәр сахланылыб. Сәудијјә Әрәбистаны прокурорлуғу ҹинајәтдә бирбаша иштирак етмиш беш нәфәр үчүн өлүм ҹәзасы тәләб едиб вә иддиа едибдир ки, јердә галанлар шәриәт ганунуна әсасән ҹәзаландырылаҹаглар.
Диггәт: Хәбәрдән истифадә етдикдә мәнбәјә истинад лазымдыр
