Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ливан Һизбуллаһ Мүгавимәт Һәрәкатынын Баш Катибинин мүавини Һөҹҹәтүл Ислам Шејх Наим Гасим Азәрбајҹанын Ливандакы сәфири Ағасәлим Шүкүрову гәбул едиб.
Мәлумата ҝөрә, Шејх Наим Гасим сәфирлә дахили сијасәт вә тәһлүкәсизлик, Ливанла Азәрбајҹанын мүнасибәтләри, Сурија бөһраны вә диҝәр мәсәләләри мүзакирә едиб. Әләлхүсус, Шејх Гасим гејд едиб ки, Сурија халгын, ордунун вә рәһбәрлијин әјилмәзлији сајәсиндә өлкәнин бөлүнмәси тәһлүкәсини адлајыб.
Гејд едәк ки, Ливанда бу һәрәкат ән бөјүк сијаси гүввәләрдән бири сајылыр. Ливан Һизбуллаһ Мүгавимәт Һәракаты ишғалчы сионист исраил режимини говараг Ливан торпагларындан кәнарлашдырдығына ҝөрә, АБШ вә сионист режим тәрәфиндән террор тәшкилаты кими таныныр. Һәрәкатын һәрбиләшдирилмиш ганадынын дөјүшчүләри исә 2011-ҹи илдән бу ҝүнә кими Сурија Әрәб Республикасынын иҹазәси илә бу өлкәдә Нүсрә Ҹәбһәси, Аһрару Шам, әл Гаидә, гондарма “ИШИД” адлы террор груплашмалары вә с. илә мүбаризә апарыр.
Диггәт: Хәбәрдән истифадә етдикдә мәнбәјә истинад лазымдыр
