Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Авропа Инсан Һүгуглары Мәһкәмәси бу илин сентјабрында дөрд иш үзрә коммуникасијаја башлајаҹаг. Һәмин ишләрдән үч иш вәкил Ҹавад Ҹавадовун мүдафиә етдији танынмыш Шиә Руһаниләринин ишидир.
Бу барәдә вәкил Ҹавад Ҹавадов Американын Сәсинә билдириб: “Ҹавид Мәммәдов; Зүлфүгар Микајылов; Елман Ағајев. Сонунҹу ики шәхс Нардаран иши илә бағлы һәбс олунуб вә онларын шикајәтләри бир ил өнҹә Авропа Мәһкәмәсинә ҝөндәрилиб.”
Гејд едәк ки, Илаһијјатчы Ҹавид Мәммәдов 20 октјабр 2012-ҹи илдә һәбс олунуб. О ганунсуз силаһ вә дини әдәбијјат сахламагда, ганунсуз аксија тәшкил етмәкдә иттиһам едилиб. Мәһкәмәнин гәрары илә 1 ил һәбс ҹәзасына мәһкум едилиб. 2013-ҹү илин августунда вахтындан әввәл һәбсдән азад едилиб.
Һөҹҹәтүл Ислам Зүлфүгар Микајылов, Һөҹҹәтүл Ислам Сејјид Елман Ағајев 2015-ҹи ил нојабрын 26-да Нардаранда баш верән һадисәләрә ҝөрә һәбс едилиб вә мәһкәмәнин һөкмү илә узун мүддәтли һәбсә мәһкум едилиб.
Диггәт: Хәбәрдән истифадә етдикдә мәнбәјә истинад лазымдыр
