Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Әфганыстан рәсмиләри билдириб ки, өтән ҝеҹәдән башлајараг бу ҝүн сәһәр радәләринә кими Талибан террор груплашмасы Гәзни рајонунун Зәнехан шәһәринә һүҹума кечәрәк дөвләт гүввәләри илә вурушуб. Сонда шәһәр сүгут едәрәк Талибанын нәзарәтинә кечиб.
Гәзни рајон шурасынын үзвү Әбдүл Ҹаме Ҹаме билдириб: “Зәнехан шәһәриндә Талибан илә полис гүввәләри арасында ҝедән дөјүшләрдә 4 полис әмәкдашы Шәһид олуб вә даһа дөрд полис әмәкдашы мүхтәлиф дәрәҹәли бәдән хәсарәтләри алараг јараланыблар.”
Хатырладаг ки, өтән һәфтә дә Әфганыстанын Ҹузҹан шәһәри Талибан дәстәси тәрәфиндән сүгута јетирилди. Лакин полис гүввәләри јенидән һүҹума кечәрәк шәһәри азад етдиләр.
Диггәт: Хәбәрдән истифадә етдикдә мәнбәјә истинад лазымдыр
