Әһли Беjт (әлеjһимус-сәлам) - АБНА – Хәбәр Аҝентлиjинин вердиjи хәбәрә әсасән, Мүсәлман Бирлиjи Һәрәкатынын сәдри, илаһиjjатчы Тале Бағырзадә Гобустан Гапалы Һәбсханасына көчүрүлүб.
Бу барәдә онун jахынлары мәлумат вериб.
Мәлумата ҝөрә, илаһиjjатчы бу ҝүн сәһәр саатларында Күрдәханыда jерләшән 1 саjлы Бакы Истинтаг Тәҹридханасындан Гобустан Гапалы Һәбсханасына ҝөндәрилиб.
2015-ҹи ил ноjабрын 26-да Нардаран гәсәбәсиндә кечирилән әмәлиjjат заманы 2 полис вә һадисә jериндә олан 4 нәфәр һәлак олуб. Нардаранда вә Сабунчу Раjон Полис Идарәсинин гаршысында баш верән һадисәләрә ҝөрә 70-дән чох адам һәбс олунуб. Онларын бир гисминә силаһ сахлама иттиһамы илә илjарымдан 2 ил 6 аjадәк һәбс ҹәзасы кәсилиб, 40 нәфәрдән чох адама исә даһа ағыр маддәләрлә (дөвләт чеврилишинә ҹәһд, террорчулуг, дини нифаг салма вә с.) иттиһамлар верилиб. Үч група аjрылан ҹинаjәт иши Бакы Ағыр Ҹинаjәтләр Мәһкәмәсинә ҝөндәрилиб. “Мүсәлман Бирлиjи” Һәрәкатынын сәдри Тале Бағырзадә вә даһа 17 нәфәрин мәһкәмәси jекунлашыб. Мәһкәмәнин 25 jанвар 2017-ҹи ил тарихли гәрары илә Т.Бағырзадә вә Аббас Һүсеjновун һәр биринә 20 ил, диҝәрләринә 10 илдән 19 иләдәк һәбс ҹәзасы верилиб. Һәрәси 12 нәфәрдән ибарәт даһа ики групун мәһкәмәси давам едир.
20 иjул 2017-ҹи илдә Бакы Апеллjасиjа Мәһкәмәси тәгсирләндирилән шәхсләрин ҹәзаларынын дәjишдирилмәдән, олдуғу кими сахланмасы барәдә гәрар вериб.
Тәгсирләндирилән шәхсләр иттиһамларла разылашмыр, Нардаран әмәлиjjатындакы ики полиси елә өз һәмкарларынын гәтлә jетирдиjини иддиа едирләр.
Т. Бағырзадә бундан әввәл бир нечә дәфә һәбс едилиб. О, һакимиjjәти сәрт тәнгид етмәси илә таныныб.
Диггәт: Хәбәрдән истифадә етдикдә мәнбәjә истинад лазымдыр
