Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ијулун 17-дә әлијевләр режими тәрәфиндән ШӘРЛӘНӘРӘК мәһбәсә салынмыш Азәрбајҹан Ислам Партијасынын (АИП) сәдри Мөвсүм Сәмәдовун апеллјасија шикајәти үзрә мәһкәмә просеси кечирилиб. Шикајәт партија сәдринин Гобустан һәбсханасына ҝөндәрилмәси илә бағлы Гарадағ рајон Мәһкәмәсинин 14 ијун 2017-ҹи ил тарихиндә вердији гәрардан олуб.
Әлдә едилән мәлуматына ҝөрә, аппелјасија мәһкәмәси гәрәзли гәрары гүввәдә сахлајыб.
Гејд едәк ки, Мөвсүм Сәмәдов 2 јанвар 2011-ҹи илдә Азәрбајҹан һакимијјәтинин сијасәтини сәрт тәнгид едиб. Бу һадисәдән 5 ҝүн сонра, 7 јанвар 2011-ҹи илдә сахланылараг, полисә табесизлик маддәси илә 13 сутка инзибати һәбсә мәһкум олунуб. 13 суткалыг һәбс ҹәзасы битәндән сонра ШӘРЛӘНӘРӘК она гаршы ганунсуз силаһ сахламаг, һакимијјәтин әлә кечирилмәси вә башга иттиһамларла ҹинајәт иши ачылыб. 12 ил һәбс ҹәзасы алыб. Авропа Мәһкәмәси онун иши үзрә коммуникасијаја башлајыб. АИП М. Сәмәдовун һәбсини онун 2 јанвар 2011-ҹи илдә Азәрбајҹан һөкумәтинә гаршы етдији чыхышы илә әлагәләндириб.
2014-ҹү ил октјабрын 9-да Гарадағ Рајон Мәһкәмәсинин гәрары илә М.Сәмәдов 12 сајлы ҹәзачәкмә мүәссисәсиндән 2 иллик Гобустан Гапалы Режимли һәбсханасына көчүрүлмүшдү. Шәртләрин сәртләшдирилмәси М.Сәмәдовун интизамы позмасы илә әсасландырылыб. О, 2016-ҹы ил нојабрын 28-дә 12 сајлы ҹәзачәкмә мүәссисәсинә гајтарылыб.
Мөвсүм Сәмәдова бир нечә дәфә "карс" ҹәзасы вериләндән сонра һәбсхана рәиси Рауф Мәммәдов онун Гобустан гапалы һәбсханасына көчүрүлмәси илә бағлы тәгдимат вериб.
Аллаһ Тәала бүтүн залымлара ләнәт етсин!
Диггәт: Хәбәрдән истифадә етдикдә мәнбәјә истинад лазымдыр
