Әһли-Бејт Ҹәмијјәти Азәрбајҹан руһаниләринә гаршы баш галдыран тәзјигләрлә бағлы дәрин нараһатчылығыны билдирмәклә јанашы, аидијјәти гурумлардан вә рәсмиләрдән һәбсдә олан исламчыларын, хүсусилә Шејх Сәрдар Һаҹыһәсәнлинин һәбсдән азад едилмәсини истәјир.
Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Үмүмдүнја Әһли-Бејт (ә) Ассамблејасы (ДӘА) Шејх Сәрдар Һаҹыһәсәнлинин һәбси илә бағлы бәјанат јајыб.
Үмүмдүнја Әһли-Бејт (ә) Ассамблејасы мүсәлманларын һүгугларыны мүдафиә едән бир тәшкилат кими гәтијјәтлә билдирир ки, Шејх Сәрдар Һаҹыһәсәнлинин һәбси сәһв вә әсассыздыр.
Ассамблејанын Шејх Сәрдар Һаҹыһәсәнлини һәбсини мәһкум едән бәјанатына дејилир:
“Медиада Шејх Сәрдар Һаҹыһәсәнлинин һәбс едилмәсинә даир тәәҹҹүб вә һејрәт доғуран мәлумат јајылды. Белә ки, Шејх Сәрдар Һаҹыһәсәнли ҹүмә намазы гылдығына ҝөрә, Масаллы Рајон Иҹра Һакимијјәтинин башчысынын шикајәти әсасында һәбс едилди. Инанмаг олмур ки, ислам алими вә дин тәблиғатчысы ислами бир ајини јеринә јетирдији үчүн һәбс едилсин. Азәрбајҹан Республикасынын ганунлары топлу шәкилдә ибадәтләри јеринә јетирмәсини иҹазә вердији һалда, белә бир һөкмүн верилмәси инанылмаздыр. Намаз инсанлары писликләрдән вә чиркинликләрдән паклашдырмаг, ејни заманда инсанлар арасында бағлылығы бирлији вә мөһкәмлији јаранмасы үчүн бир васитәдир. Намаз тәкҹә бир ибадәт вә ајин дејил, һәмчинин ислам өлкәләринин милли тәһлүкәсизлијини вә игтидарынын әсасларыны мөһкәмләндирмәк вә артмасы үчүндүр. Ејни заманда намаз исламын әзәмәти вә шөһрәт ҝөстәриҹисидир. Белә олан һалда Шејх Сәрдар Һаҹыһәсәнли һансы ганунлары позуб?
Бејнәлхалг Әһли-Бејт Ҹәмијјәти мүсәлманларын һүгугларыны мүдафиә едән бир тәшкилат кими гәтијјәтлә билдирир ки, Шејх Сәрдар Һаҹыһәсәнлинин һәбси сәһв вә әсассыздыр. Бу аддым һәмчинин өлкәнин милли дәјәрләринә вә ислам өлкәси олан Азәрбајҹанын мәнәвијјатына һөрмәтсизликдир. Әһли-Бејт Ҹәмијјәти Азәрбајҹан руһаниләринә гаршы баш галдыран тәзјигләрлә бағлы дәрин нараһатчылығыны билдирмәклә јанашы, аидијјәти гурумлардан вә рәсмиләрдән һәбсдә олан исламчыларын, хүсусилә Шејх Сәрдар Һаҹыһәсәнлинин һәбсдән азад едилмәсини истәјир. Шејх Сәрдар хидмәтчи, тәвазөкар, Аллаһа ибадәт вә онун бәндәләринә хидмәтдән башга фикири олмајан бир инсандыр. О, Азәрбајҹанда һәмишә мүсәлманларын бирлијинин, вәһдәтинин чарчысы олуб вә ислам дининин јүксәлмәсини истәјиб.”
Диггәт: Хәбәрдән истифадә етдикдә мәнбәјә истинад лазымдыр
