Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, өтән ҝүн, 26 Феврал 2017 тарихдә Иран Ислам Республикасынын Мүгәддәс Гум шәһәриндә тәһсил алан Азәрбајҹанлы тәләбәләр Хоҹалы Сојгырымынын 25-ҹи илдөнүмү илә бағлы Бејнәлхалг Ҹамиәтүл Мустәфа (сәлләллаһу әлејһи вә алиһ) Академијасынын Али Фигһ (Һөҹҹәтијјә) Мәдрәсәсиндә бејнәлхалг конфранс кечирдибләр.
Мәлумата ҝөрә, Али Фигһ Мәдрәсәсинин Шәһид Мүтәһәрри адына акз салонунда Гурани Кәримин тилавәти илә кечирилән тәдбирдә, Гарабағ фаҹиәси вә Хоҹалы согырымынын елми, тарихи вә дини бахымдан арашдырылмалары олуб. (Тәднбирдән чәкилән шәкилләрә бураны тыкламагла баха биләрсиз. Гум )
Тәдбирин сонунда Бејнәлхалг Ҹамиәтүл Мустәфа (сәлләллаһу әлејһи вә алиһ) Академијасынын Азәрбајҹан Республикасы тәләбәләринин гәбул етдикләри бәјанат охунуб.
Бәјанатын там мәтнин сајтымызын изләјиҹиләринә тәгдим едирик:
БисмилҸаббар
وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ
Зүлм едәнләр тезликлә биләҹәкләр ки, неҹә дөнүш јеринә гајтарылаҹаглар!
Гурани Кәрим, әш-Шүәра сүрәси, ајә 27.
Залымлар барәдә јанылмаз олан Илаһи вәд һәгигәтә говушаҹагдыр. Зүлм давам едәрсә Мүтәал Аллаһ вердији немәтләри залым гөвмдән ардыҹыл олараг ҝери алар, бу ишә исрар едәрләрсә нәһајәт онлары тарихин сәһифәсиндән силәҹәкдир!
Тарих боју ермәни швонистләри Сәлиб Јүрүшләринин давамы олараг халгымыза гаршы ганлы ҹинајәтләр вә сојгырымы актлары төрәдибләр. Демографик проблемлә үзләшән ермәниләр чыхыш јолуну јалныз Мүсәлман халгыны гырыб вар дөвләтини талан етмәкдә ҝөрүбләр. 1992-ҹи ил Февралын 25-дән 26-на кечән ҝеҹә Хоҹалы сојгырымы онларын ишғалчы сијасәтләрини вә ејни заманда тәҹавүзкар олдугларыны бир даһа сүбута јетирди. Һәмин ҝеҹә ишғалчы ермәни силаһлы бирләшмәләринин Рус ордусунун Ханкәндиндәки 366-ҹы мотоатыҹы алајы иллә бирҝә төрәтдији ҹинајәт дәһшәтли нәтиҹәләринә ҝөрә, тарих боју аналогу олмајан төрәдилмиш ҹинајәтләр сырасындадыр. Илк олараг шәһәрә чох сајлы ағыр типли һәрби техника јеритмәклә јашајыш мәнтәгәләрини вә еләҹә дә шәһәрин сосиал инфрастуктуруну тамамилә дағыдараг,әлијалын инсанлары амансызҹасына гәтли-ам етдиләр. Сојгырымда адлары бәлли олан 613 нәфәрин, о ҹүмләдән 106 гадын, 63 азјашлы ушаг, 70 гоҹанын һәјатына сон гојулмуш, 487 динҹ сакин ағыр јараланараг шикәст олуб, 1275 нәфәр әсир вә ҝиров ҝөтүрүлмүшдүр. Иткин дүшмүш 190 нәфәрин талеји исә индијәдәк мәлум дејилдир.
Гејд етмәлијик ки, Хоҹалы јалныз һәрби стратежик мөвгејинә ҝөрә дејил һәм дә тарихи әһәмијјәтинә ҝөрә, өлкәмизин мәдәни, вә мәнәви дәјәрләри арасында бөјүк әһәмијјәтә малик иди. Орада мәдәни ирсимизә хүсуси илә дә, тунҹ дөврүнә аид олан мәишәт нүмунәләри тәкҹә өлкә дахилиндә дејил хариҹдә дә чох јүксәк гијмәтләндирилирди. Хоҹалынын ишғалы мәдәни ирсимизә чох ҹидди зәрбә вурмагла јанашы, ејни заманда Гарабағын диҝәр рајон вә шәһәрләринин итирилмәсинә шәраит јаратды. Бу вәһшиликдән 22 ил өтмәсинә бахмајараг һәлә дә Хоҹалы сојгырымы бәзи бејнәлхалг гурумлар тәрәфиндән лазымы гијмәтини алмајыб.
Биз бир Мүсәлман азәрбајҹанлы олараг Хоҹалы сојгырымыны халгымызын ән ағрылы проблеми кими даима диггәт мәркәзиндә сахланмасыны вә еләҹә дә реҝионда сүлһүн бәргәрар оламсы үчүн бејнәлхалг гурумлара сәсләнирик. Биринҹи аддым кими БМТ-јә үзв олан демократик өлкәләрин мүнагишә илә бағлы бејнәлхалг тәшкилатларын гәрарларынын, о ҹүмләдән ишғал олунмуш Азәрбајҹан Республикасынын торпагларындан ишғалчы Ермәнистан гошунларынын дәрһал, гејд-шәртсиз вә тамамилә чыхарылмасы илә бағлы БМТ Тәһлүкәсизлик Шурасынын 822, 853, 874 вә 884 сајлы гәтнамәләринин иҹрасыны Ермәнистандан тәләб едирик. Һабелә бу сојгырым һадисәсинин дүнја халгларына вә дөвләтәринә таныдылмасы, тәгсиркарларын ҹәзаландырылмасы, сојгырымы гурбанларынын хатирәсинин әбәдиләшдирилмәси вә онларын сосиал мүдафиәсинин һүгуги тәминатларыны мүәјјән едлмәси саһәсиндә лазымы тәдбирләрин һәјата кечирилмәсини тәләб едирик.
Сонда ишғал алтында олан 20% торпагларымызын азадлығына манеәчилик төрәдән, өлкә дахилиндәки бүтүн ихтилафлара сон гојулмасынын, 98%-ни Мүсәлманлар тәшкил едән өлкәмиздә чыхарылан бүтүн ганунларын Ислам вә конститусија чәрчивәсиндә олмасынын, “Һиҹаб Гадағасы” ады илә сүни ҝәрҝинлик јарадан мәмурларын лајигли ҹәзаларына чатдырылмасынын, башда Азәрбајҹан Ислам Партијасынын Лидери Доктор Мөвсүм Сәмәдов олмагла ШӘРЛӘНӘРӘК Ҹәза Чәкмә Мүәссисәләриндә јатан бүтүн пак инсанларын вә јахын ҝүнләрдә мәһз мүгәддәс Руһани вәзифәсини јеринә јетирәркән һәбс едилән Шејх Сәрдар Һаҹыһәсәнлинин азад едилмәсинин тәрәфдар олдуғуну, мүгәддәс торпагларымызын азад олунмасы уғрунда динимиз олан Ислама вә милли мәнәви дәјәрләримизә садиг галмағымызы билдирир. Вә буна мисал олараг Шәһид Сејјид Мүбариз Ибраһимову өрнәк ҝәтирир.
ومن يتوكل علي الله فهو حسبه إن الله بالغ أمره قد جعل الله لكل شيءٍ قدراً. سوره طلاق ، آيه 3
Мүгәддәс Гум шәһәри, Бејнәлхалг Ҹамиәтүл Мустәфа (сәлләллаһу әлејһи вә алиһ) Академијасынын Азәрбајҹан Республикасы тәләбәләри.
Диггәт: Хәбәрдән истифадә етдикдә мәнбәјә истинад лазымдыр
