Ливан Һизбуллаһынын баш катиби Сурија бөһранынын сијаси һәлл јолуна тәкид етди

Әһлибејт (ә) Хәбәр Аҝентлији-Ливан Һизбуллаһынын баш катиби Сејид Һәсән Нәсруллаһ Һизбуллаһын Мәркәзи Шурасынын үзвү Шејх Һүсејн Әбидин хатирәсинә һәср олунмуш аным мәрасиминдә дејиб: Һизбуллаһ садәҹә Астанада разылашдырылмыш атәшкәси дејил, истәнилән атәшкәси дәстәкләјир вә ону мүдафиә едир: "Һизбуллаһ јалныз Астанада разылашдырылмыш атәшкәси дејил, Суријада ган ахытмалары дурдурҹаг истәнилән атәшкәси һимајә едир вә ону дәстәкләјир. Чүнки, биз ган ахытмалара мане олаҹаг, Суријада милли барышыға вә бөһранын сијаси һәллинә шәраит јарадаҹаг  истәнилән аддымы мүдафиә едирик. Амма, бизи иттиһам едәнләрин өзләри бу јолда манеә төрәдирләр. Тәкфирчи-террорчу груплашмалары һимајә едәнләр Суријада савашын узанмасыны истәјирләр." Ливан Һизбуллаһынын баш катиби даһа сонра Түркијәнин ИШИД террорчуларына гаршы савашмасыны алгышлајыб вә буну мүһүм һадисә адландырыб:  "Түркијә дөвләти ИШИД-ин әсас һимајәдарларындан иди. Сәрһәдләрини ИШИД-чиләрин үзүнә ачыг гојмушду. Онлардан нефт вә газ алырды. Онлары нағд пул илә тәмин едирди. Гапылары ИШИД-ә силаһын ҝөндәрилмәси вә террорчуларын ИШИД-ә гошулмасы үчүн ачыг гојмушду. Амма, инди ИШИД үчүн етдикләринә ҝөрә пешмандыр. Чүнки, ИШИД Түркијәнин јахшылыгларыны бу өлкә дахилиндә террор актлары төрәтмәклә ҹавабландырды." Сејид Һәсән Нәсруллаһ сонда әлавә едиб: Бир чох Әрәб вә Ислам өлкәсинин Ливаны Исраилин нүфузу алтында һесаб етдикләри заманлар Имам Хомејни(р.ә) араларында Сејид Аббас Мусәви вә Шејх Һүсејн Әбиди олан 9 гонағына "Әҝәр мүгаивмәт ҝөстәрсәниз, гәләбәнин сизинлә олдуғуну ҝөрүрәм" демишди. "Бу гәләбә 1985, 2000 вә 2006-ҹы илләрдә һабелә, һазырда Ираг вә Суријада ҝерчәкләшмәкдәдир. Сабаһ исә Јәмәндә бу гәләбәнин шаһиди олаҹағыг. Нә Трамп, нә Ҹорҹ Буш нә дә һәр һансы башга бир иргчи һәтта, бизим ушагларымызын белә иманы, шүҹаәти, ирадәси вә етигадына хәләл ҝәтирә билмәз."