Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Јанварын 23-дән етибарән "Мүсәлман Бирлији" Һәрәкатынын сәдри Талеһ Бағырзадәнин тәрәфдарлары кими танынан Рөвшән Мәммәдли вә Әһсән Нурузаде һаггында мәлумат алмаг мүмкүн дејил.
"Нарадаран иши" үзрә тәгсирләндириләнләрин јахынларынын вердији мәлумата ҝөрә, һәр ики ҝәнҹ мәһкәмә просесини даим изләјән шәхсләр олублар.
Рөвшән Мәммәдли "Фаҹебоок" сәһифәсиндә сон пајлашымы 23 јанварда, ҝеҹә саат 01:04-дә едиб. Ондан бир нечә ҝүн өнҹә исә "Азадлиг.инфо"-да Талеһ Бағырзадә һаггында јазысыны дәрҹ етдириб.
Ҝәнҹләрин "Нардаран иши" үзрә тәгсирләндириләнләрә һөкм охунаҹағы әрәфәдә "оғурландығы" ҝүман олунур.
ДИН-ин мәтбуат хидмәти мәсәләјә мүнасибәт билдирмир.
Журналист Рөвшән Мәммәдли 23 јанварда ахшам саатларында сахланылыб.
Јахынларынын вердији мәлумата ҝөрә, паспорт гејдијјатындан зәнҝ едиб Рөвшән Маммадлини чағырыблар ки, һансыса сәнәдә имза чәкмәлисән. Ора ҝедиб, гапыдада полис сахлајыб. О, полисә табесизликдә иттиһам олунуб.
Xeberman.com-а верилән мәлумата ҝөрә, Мәһкәмә журналистин барәсиндә 30 сутка инзибати һәбс ҹәзасы вериб.
Рөвшән Мәммәдли һазырда Бинәгәди Мүвәггәти Сахлама Тәҹридханасындадыр.
Хатырладаг ки, Рөвшән Мәммәдли Һаҹы Тале Бағырзадәнин тәрәфдары кими таныныр.
Диггәт: Хәбәрдән истифадә етдикдә мәнбәјә истинад лазымдыр
