Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Хариҹи Ишләр назири мүавини Һүсејн Ҹабери Әнсари медиаја вердији ачыгламасында билдириб: “Иран Ислам Республикасы Сурија мүхалифәтинин “тәләбинә” риајәт едиб, өз ордусуну Суријадан чыхармајаҹаг.”
“Мүхалифәт проблемә гејри-објектив јанашыр. Суријада проблемләр силаһлы груплашмаларын дүшүнҹәләри уҹбатындан јараныб. Һадисәләрин башланғыҹында онлар дүшүнүрдүләр ки, тезликлә, һаким режимин деврилмәси илә нәтиҹәләр әлдә едәҹәкләр. Лакин онлар өзләрини хошаҝәлмәз вәзијјәтә салдылар”, – дејә о билдириб.
Гејд едәк ки, 2011-ҹи илин Апрел ајындан бу ҝүнә кими Суријада террор актлары һәјата кечирән “мүхалифәт” нүмајәндәси Үсамә Әбу Зејд, Иран Ислам Республикасы да дахил олмагла, бүтүн хариҹи орду бирләшмәләринин Суријадан чыхарылмасыны “тәләб” едиб.
Диггәт: Хәбәрдән истифадә етдикдә мәнбәјә истинад лазымдыр
