Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, өтән ҝүн 19 Јанвар 2017-ҹи ил тарихиндә Мүгәддәс Гум шәһәриндә, әл Мустәфа университетиндә тәһсил алан азәрбајҹанлы тәләбәләр Ганлы 20 Јанвар гәтлиамынын хатирәсини сахлајыблар.
Ил өнҹә аным мәҹлиси Бејнәлхалг Гуран Гариси Кәрбәлаи Анар мүәллимин Гуран тилавәти илә башланыб. Даһа сонра мәҹлисә ҝәлән тәләбәләр арасында Гурани Кәримин јарым ҹүзләри пајланараг 30 ҹүздән ибарәт олан Гурани Кәрим там сүрәтдә тилавәт олунуб.
Чыхыш үчүн сөз дәјәрли вә савадлы устад, руһани Кәрбәлаи Орхан Мәммәдова верилиб. Хәтиб 20 Јанвар һадисәсинә фәргли призмадан јанашараг баш верән һадисәни Ислам Ојанышы вә Имам Һусејн (әлејһи сәлам) Мәктәбинин Азәрбајҹан халгына тәсири бахымындан тәһлил едиб. Вә билдириб ки, Ислам Ојанышы илә Ислам Дирчәлиши арасында бөјүк фәрг вардыр. Ислам Ојанышы илкин вә ибтидаи мәрһәлә олдуғу үчүн әҝәр дүзҝүн мүдиријјәт олунмазса һеч бир нәтиҹә вермәјәҹәкдир. Ислам Ојанышыны доғру шәкилдә мүдиријјәт етдикдән сонра Ислам Дирчәлиши мејдана чыхыр...
Даһа сонра Әһли Бејт (әлејһимус сәлам) Мәддаһы Кәрбәлаи Һүсејн мүәллим Мәсумлар һагда розә дејәрәк Кәрбәла вә 20 Јанвар Шәһидләрини јад едиб.
Сонда дәјәрли устад Һаҹы Нәсими Әсҝәров бир ҝруп азәрбајҹанлы руһани вә тәләбәләр тәрәфиндән бәјанијјә охујуб. Бәјанијјәдә 20 јанвар Ислам Ојанышында Азәрбајҹан халгынын Азадлыг уғрунда башладыглары мүбаризәнин битмәдијини ачыглајыб. Вә гејд едиб ки, Азәрбајҹанда һәр саһәдә, сәһијјә, тәлим-тәрбијјә, халгын үмуми рифаһы уғрунда Һакинијјәт тәрәфиндән дүзҝүн аддымлар атылмағы вә ҝүнаһсыз јерә вәтәндашларын һәбс едилмәси хүсусилә дә, халгын пак вә тәгвалы өвладлары олан Руһаниләрин о ҹүмләдән Һаҹы Тале, Һаҹы Зүлфугар, Һаҹы Сејјид Елман башда олмагла вәтәндашларын фәргли сијаси бахышларына ҝөрә һәбс олунмалары, 20 % торпагларын һәлә дә ишғал алтында галмасы бүтүн бунлар Азәрбајҹан халгынын һәлә там Азадлыға чыхмамасына дәлаләт едир...
Бәјанатын сонунда ШӘРЛӘНӘРӘК һәбс олунан бүтүн мәһбусларын Азад едилмәләри Азәрбајҹан дөвләтиндән тәләб едилиб.
Диггәт: Хәбәрдән истифадә етдикдә мәнбәјә истинад лазымдыр
