Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, бу ҝүн Бакы Ағыр Ҹинајәтләр Мәһкәмәсиндә Талеһ Бағыров, Фуад Гәһрәманлы вә диҝәрләринин ҹинајәт иши үзрә мәһкәмә просеси давам етдирилиб.
Һаким Әлөвсәт Аббасовун сәдрлији илә кечирилән просесдә вәкил Јалчын Иманов истинтагын тәзәләнмәси илә бағлы вәсатәт галдырыб. Онун сөзләринә ҝөрә, мәһкәмәдә тәгсирләндирилән шәхсләрин иштиракы олмадан ҹинајәт ишиндә олан сәнәдләр тәдгиг едилиб ки, бу да онларын һүгугунун тапдаланмасы һесаб олунур.
Мәһкәмә вәсатәти тәмин етмәјиб.
Сонра тәгсирләндирилән шәхсләрин һүгугларыны мүдафиә едән вәкилләр чыхыш едибләр.
Тәгсирләндирилән Закир Мустафајевин вәкили Абил Бајрамов чыхыш едәрәк, З. Мустафајевин иттиһам олундуғу маддәләрдә онун тәгсирини сүбута јетирән һәр һансы фактын олмадығыны дејиб.
Вәкил Ҝүлшән Салманова һүгугларыны мүдафиә етдији Рамин Јарыјевин иттиһам актында ҝөстәрилән ҹинајәти төрәдәркән јеткинлик јашында олмадығы әсас ҝәтириб вә онун тәгсирсиз олдуғуну дејиб.
Вәкил Елчин Садыгов исә чыхышында тәгсирләндирилән шәхсләр – Талеһ Бағыров, Ҹаббар Ҹаббаров вә диҝәрләринин тәгсиринин сүбута јетирилмәдијини иддиа едиб.
Просес ҝүнүн икинҹи јарысында давам етдириләҹәк.
Диггәт: Хәбәрдән истифадә етдикдә мәнбәјә истинад лазымдыр
