Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Азәрбајҹан Ислам Партијасы (АИП) сәдри 2011-ҹи ил јанвар ајынын 7-дә партијанын гәрәрҝаһындан чыхыб евә ҝедәркән сәдр мүавини Вагиф Абдуллајевлә бирҝә сахланылыб. Онлара мәһкәмәнин гәрары илә илкин олараг 10 сутка һәбс ҹәзасы верилсә дә, сонрадан даһа бир нечә нәфәр дә сахланылараг барәләриндә ҹинајәт иши ачылыб. 9 ај апарылан истинтаг јекунлашдыгдан сонра, Ағыр Ҹинајәтләрә Даир Мәһкәмәнин һакими Елдар Исмајыловун сәдрлији илә кечирилән иҹласларын јекунунда Азәрбајҹан Ислам Партијасынын сәдри Мөвсүм Сәмәдова 12 ил һөкм охунуб.
Гејд едәк ки, 2007-ҹи илдә партија сәдри сечилән Мөвсүм Сәмәдов 2011-ҹи ил јанварын 2-дә Азәрбајҹан Ислам Партијасы Баш Мәҹлисинин иҹласында чыхыш едәрәк өлкәдә мөвҹуд олан коррупсија вә рүшвәтхорлуғун ҝениш вүсәт алмасыны, ганун позунтуларынын артмасыны, Мәсҹидләрин дағыдылмасыны вә мәктәбләрдә һиҹаба гадаға гојулмасыны кәскин шәкилдә тәнгид етмишди.
Сәдр мүавини Вагиф Абдуллајев һәбсдән 1 ил сонра ҹәзачәкмә мүәссисәсиндә дүнјасыны дәјишсә дә, диҝәриләри - партијанын Астара рајон комитәсинин сәдри Руфулла Ахундзадә, масаллы руһаниси Фәрамиз Аббасов, М.Сәмәдовун әмиси оғлу Дәјанәт Сәмәдов, гајны Фирдовси Мәммәдрзајев һәлә дә һәбсдәдир.
Мөвсүм Сәмәдовун һәбсинин ил дөнүмү илә бағлы “ИсламинСеси”нә ачыглама верән АИП функсионери Акиф Һејдәрли билдирди ки, Азәрбајҹан Ислам Партијасы сәдринин һәбсиндән кечән алты или бу инсана гаршы һагсызлығын вә әдаләтсизлијин пик нөгтәси кими дәјәрләндирмәк олар:
“Бир сијаси партија лидеринин өлкәдәки ганунсузлуға, инсанларын һагг вә һүгугларынын дөзүлмәз шәкилдә позулмасы барәдә кәскин чыхышына ҝөрә 12 ил мүддәтинә азадлыгдан мәһрум едилмәси садәҹә һәмин сијаси системдәки јумшаг десәк бошлуглардан, вәтәндашлара мәнсуб олдуғу халгын, дөвләтин вә динин гајда, ганунларына, адәт-әнәнәләринә инзибати-амирлик јолујла биҝанә галмаг мәҹбуретмәләриндән хәбәр верир.”
Акиф Һејдәрлинин сөзләринә ҝөрә, Мөвсүм Сәмәдов 2011-ҹи ил 02 јанвар чыхышындан габаг да бир нечә дәфә өлкәдәки бир сыра негатив һаллардан, вәтәндашлары ҹидди нараһат едән мәмур өзбашыналыгларындан сөһбәт ачмагла, һәм дә вәзијјәтдән чыхыш јолларыны ҝөстәрән кифајәт гәдәр дәјәрли тәклифләрини вермишди:
“Тәәссүф ки, халгымызын ҝәләҹәк сәадәти, мәнәви зәнҝинлији, Азәрбајҹанын тәрәггиси наминә дејиләнләри вә бу тәнгидләри гәбул етмәји баҹармајанлар онунла зор дилиндә данышмагла ҹәмијјәтдән тәҹрид етдиләр, зиндана салдылар. Доктор Сәмәдов тәкҹә шәхси ләјагәт вә мәнәви дәјәрләринә ҝөрә дејил, Азәрбајҹан халгынын мәнәви еһтијаҹы, онун кими алимләрә севҝиси, һөрмәт вә иззәти бахымындан азадлыг һүгугларынын танынмасыны, аиләсинә говушмасыны, халгына даһа јахындан хидмәт етмәји һагг едир. Мәнҹә бу ҝүн мөвҹуд һакимијјәт Мөвсүм Сәмәдов кимиләринин мәһбәсдә јашамасына, ҹәмијјәтдән тәҹрид формасында өмүр сүрмәсинә рәваҹ вермәмәли, ганунларымызын алилијини һөрмәт едәрәк онун азадлыг һүгугуну тәмин етмәлидир.”
Мөвсүм Сәмәдовун вәкили Јалчын Иманов исә ачыгламасы заманы билдирди ки, мүвәккилинин сәһһәти вә руһијјәси јахшыдыр вә јахын ҝүнләрдә онунла ҝөрүшә ҝедәҹәк. Лазымы олаҹаг бүтүн һүгуги проседурларын һәјата кечирилдијини билдирән вәкил, бундан сонра да АИП лидеринин азадлыға чыхмасы истигамәтиндә сәјләрини артыраҹагларыны сөјләди.
Диггәт: Хәбәрдән истифадә етдикдә мәнбәјә истинад лазымдыр
