Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, һазырда 12 иллик һәбс ҹәзасына мәһкум едилән АИП лидери Мөвсүм Сәмәдов иҹтимаи-сијаси хадим олмагла јанашы, ејни заманда руһани алим вә бөјүк әхлаг устадыдыр.
О, һәбс олундуғу мүддәтә гәдәр әзиз тәләбәләри илә бирҝә мүтәмади шәкилдә әхлаг дәрсләри тәшкил едәрди. Доктор Сәмәдов һәмин дәрсләрдә али илаһи маарифин һәгигәтләрини инсанлара чох ҝөзәл формада изаһ едәрди. Дәрсләр һәтта о гәдәр Илаһи нур вә фејзлә әһатә олунурду ки, дәрс иштиракчылары дәрсин саатларла давам етмәсини истәјирди.
Бу ҝүндән етибарән Мөвсүм Сәмәдовун һәбсиндән өнҹә тәдрис етдији әхлаг дәрсләриндән силсиләвари шәкилдә мүһүм нөгтәләри охуҹуларына тәгдим едиләҹәк.
I Дәрс
Тәвәлла вә Тәбәрра
Тәвәлла вә тәбәрра ҹәфәри мәзһәбинә ҝөрә, фүруи-динин 10 маддәсиндән икисидир. Әрәб дилиндән тәрҹүмәдә тәвәлла – достлуг, тәбәрра исә үз чевирмәк, рәдд етмәк мәнасыны верир. Тәвәлланын мәнасы будур ки, мүсәлман һәр заман Аллаһын севдији инсанлары севмәли, Аллаһын мөмин бәндәләри илә, һаггын тәрәфдарлары илә достлуг вә һәмрәјлик һалында олмалыдыр. Тәбәрра исә бу демәкдир ки, мүсәлман һәмишә Аллаһын дүшмәнләри илә дүшмәнчилик етмәли, Аллаһын севмәдији инсанлардан үз чевириб узаглашмалыдыр.
Инсан ҝәрәк һәмишә Аллаһ дүшмәнләринин әхлагындан узаг олмаг үчүн чалышсын вә бунунла бағлы илаһи дәрҝаһа чохлу дуалар етсин. Аллаһа бәндә олмаг истәјән шәхс, ону Рәббинә тәрәф ҝетмәкдә манеә олан шејләрдән вә фәрдләрдән ајрылараг Аллаһ достларына гошулмаса, һәмин бәндәнин бәндәчилик јолунда инкишаф етмәси мүмкүн дејил.
Инсан бүтүн варлыгларын мөвҹудлуғунун вә һәрәкәтләринин Аллаһла әлагәли олдуғуна диггәт етмәлидир. Әҝәр бу ишдә диггәтли олса, мүтләгдир ки, һәр бир варлығын вә һәрәкәтин Аллаһла рабитәдә вә әлагәли олдуғуну ҝөрәҹәк. Һәр кәс ки, бу әлагәни инкар етсә, һәмчинин өзүнүн дә Аллаһла олан әлагәсини башга јердән билсә вә башга јерә јөнәлтсә, бир нөв Аллаһа дүшмән сајылыр. Бу ҹүр дүшмәнчиликләрин дә өзүнәмәхсус дәрәҹәләри вар. Инсан һәјатынын бүтүн мәрһәләләриндә вә мәсәләләриндә тәвәлла вә тәбәрраја әмәл етмәлидир. Аллаһ өвлијаларынында әсл амалы вә истәкләри дә мәһз будур. Әҝәр һаггы гәбул едириксә, әгидә ҹәһәтдән бүтүн ҹаһил гапылары үзүмүзә бағламалыјыг.
Әслиндә бәндәнин етдији кичик гүсурларынын һәгигәти илаһи дәрҝаһда чох бөјүкдүр. Исламы гәбул етмәклә Аллаһ инсана иман верир вә тәслимчилик нә гәдәр артарса инсанын иманы да бир о гәдәр артыр.
Диггәт: Хәбәрдән истифадә етдикдә мәнбәјә истинад лазымдыр
