Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Илһам Әлијевин Азәрбајҹанда Шиәләрә гаршы башлатдығы репресијалар давам едир...
Әнәнәви олараг мөвҹуд режимин Дахили Ишләр Назирлијинин Бакы Шәһәр Баш Полис Идарәсинин Ҹинајәт Ахтарышы Идарәси вә Сабунчу Рајон Полис Идарәсинин 42-ҹи Полис Бөлмәси зоракы гүввәләри һеч бир ҹинајәт мотиви олмадан 30 ҝүн мүддәтиндә һәбс етдикләри Сабунчу рајонунун Нардаран гәсәбә сакини Фаил Шаһбазовун ҝүја гәсәбә әразисиндә 1 әдәд “нөмрәси силинмиш”, лүләси вә гундағы кәсилмиш ов түфәнҝи вә 1 әдәд "Ф-1" гумбарасы басдырдығы мүәјјән едилиб.
Хатырладаг ки, Фаил Шаһбазов нојабрын 23-дә Инзибати Хәталар Мәҹәлләсинин 535-ҹи маддәси (полис әмәкдашынын гануни тәләбләринә гәсдән табе олмама) илә ШӘРЛӘНӘРӘК һәбс олунмушду.
О, полис тәрәфиндән сахланыларкән вәкил Јалчын Иманов белә демишди: "Фаил Атабала оғлу Шаһбазов да даим бу мәһкәмә просесинә ("Нардаран иши"нә) ҝәлирди. Бу бахымдан, истисна олунмур ки, о да мәһкәмәјә ҝәләнләрә гаршы тәзјигләр контекстиндә ҹәзаландырылыб".
Диггәт: Хәбәрдән истифадә етдикдә мәнбәјә истинад лазымдыр
