Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, һүгуг мүдафиәчиси Огтај Ҝүләлијев өз фаҹебоок сәһифәсиндә јазыб ки, 26 нојабр 2015- ҹи илдә Нардаран гәсәбәсиндә баш вермиш мәлум ганлы олајлардан 1 илдән артыг вахт кечир. Заман кечдикҹә биз һәмин һадисәләрлә бағлы јени- јени дәһшәтли мәлуматлар, фактларла гаршылашырыг. Ән әввәл ону гејд едәк ки, бу ганлы һадисәләр заманы 2- си полис олмагла 6 сојдашымыз гәтлә јетирилди. Онларла шәхс бу вә ја диҝәр формада ағыр јараланды. 200- дән чох шәхс һәбс олунду ки, онларын 87 нәфәринә ҹинајәт иши ачылды. 7 нәфәр ахтарышдадыр. Танынмыш илаһијјатчи алим Талеһ Бағырзадә башда олмагла Мүсәлман Бирлији Һәрәкатынын бүтүн Идарә Һејәти дахил олмагла тәшкилатын чох сајлы үзвләри һәбс олунду. Чохлу сајда ҝүнаһсыз инсанлар Нардаран һадисәләринин репрессија гурбанларына чеврилди. Һәбс олунан инсанлар ДИН Баш Мүтәшәккил Ҹинајәткарлыға гаршы Мбаризә Идарәсиндә амансыз ишҝәнҹәләрә мәруз галдылар. Һәбс олунанларын әксәријјәти вәкилсиз олуб. Вәкилсиз диндирилиб. Узун мүддәт онлар хариҹи аләмдән тәҹрид олунмуш вәзијјәтдә сахланылыб. Мәһкәмә өнүнә чыхарылмајыблар, аиләләри илә әлагә сахламасына, өзләринин сечдикләри вәкилләри илә ҝөрүшмәсинә имкан верилмәјиб.
Нардаранда вә әтраф гәсәбәләрдә узун мүддәтли ҝәрҝинлик мәнбәји јаранды. Ислами гајдалара, адәт- әнәнәјә зидд олараг гәтлә јетирилмиш 4 нәфәр јерли сакинин мејиди 9 ҝүн басдырылмаг үчүн јахынларына верилмәди. Ил мәрасими әрәфәсиндә исә онларын гәбирләри дағыдылды вә с.
Ҹари илин ијул ајында "Нардаран иши" илә бағлы Бакы Ағыр Ҹинајәтләр Мәһкәмәсиндә мәһкәмә просеси башлады. Мәһкәмә просесиндә мәлум олду ки, һакимијјәтин Нардаран гәсәбәсиндә өнҹәдән планлашдырыб һәјата кечирдији 26 нојабр әмәлијјаты иҹтимаијјәтә тәгдим едилдији кими "террорчулары зәрәрсизләшдирмәк", "дөвләт чеврилишинин гаршысыны алмаг" үчүн дејил, динҹ, ҝүнаһсыз инсанлары зәрәрсизләшдирмәјә, Талеһ Бағырзадәни вә тәрәфдарларыны һәбс етмәјә, Нардаран мифини дағытмаға хидмәт едиб. Һөкүмәтин террорчу кими тәгдим етдији инсанлар силаһсыз олублар. Башларынын үстүнә үч рәнҝли Азәрбајҹан бајрағыны асараг Ашура мәрасими өнҹәси дини сөһбәтләр едирмиш. Һадисә заманы исә онлар намаз гылырмыш. Һәбс олунанларын бөјүк әксәријјәти дәһшәтли вә амансыз иҝшәнҹәләрә мәруз галыблар. Ишҝәнҹәләрин бир һиссәси гисасчылыг зәмининдә баш вериб, бир гисми исә һәбс едилән шәхсләрдән сијаси һакимијјәт үчүн јарарлы ола биләҹәк етирафедиҹи ифадәләрин алынмасына хидмәт едиб. Мәсәлән, Мүсәлман Бирлији Һәрәкатынын сәдри Тале Бағырзадә мәһкәмәдә билдириб ки, она вә достларына ишҝәнҹә верәрәк Нардаран олајларынын архасында Милли Шуранын вә Иранын хүсуси хидмәт органларынын дајандығыны сүбут етмәк истәјибләр. Мәһкәмәнин ҝедишиндә мәлум олду ки, ибтидаи истинтаг күтләви ганун позунтулары үзәриндә сахта иттиһамларла гурулуб. Әмәлијјаты һәјата кечирәнләр истинтагда тәгсирләндирилән шәхсләри диндириб, шаһид кими ифадә вериб вә үстәлик һәбс олунанлара етирафедиҹи ифадәләрин алынмасы үчүн ағыр ишҝәнҹәләр тәтбиг едибләр. Тәгсирләндирилән шәхсләрин мәһкәмәдә вердикләри ифадәјә ҝөрә 26 нојабр ҝүнү Нардаранда гәтлә јетирилән мүлки шәхсләр силаһсыз олуб вә онлар полисә мүгавимәт ҝөстәрмәјиб. Фәраһим адында сакини исә мебел машынында полисләр дөјәрәк өлдүрүбләр...
26 нојабр Нардаран һадисәләриндән заман бизи ајырдыгҹа даһа дәһшәтли, јени- јени фактлар ортаја чыхыр. Мәлум олур ки, һәмин ҝүн ады чәкилән гәсәбәдә динҹ, ҝүнаһсыз инсанлара гаршы Талеһ Бағырзадәнин тәбринҹә десәк Кәрбалај мүсибәти баш вериб. Тәәссүфләндириҹи һал одур ки, һәмин мүсибәт, фаҹиә бу ҝүн дә давам едир. Бу ҝүн дә Нардаран гәсәбәсиндә гејри- рәсми фөвгәладә вәзијјәт һөкм сүрүр. Инсанлар тәгиб олунур. Тәзјигләрә мәруз галыб һәбс олунурлар. Һадисәләр заманы зәрәрчәкәнләр һакимијјәт тәрәфиндән иҹтимаијјәтә вә мәһкәмә өнүнә тәгсирләндирилән шәхс олараг чыхарылыр. Әдаләтли мәһкәмә арашдырмасы апарылмыр. Бир илә јахын вахт кечмәсинә бахмајараг һадисә илә бағлы әмәлијјат чәкилиши бу ҝүнә гәдәр иҹтимаијјәтә тәгдим едилмәјиб. Бу ҝүн мәһкәмә өнүнә чыхарылан шәхсләр Ҹинајәт Мәҹәлләсинин ағыр маддәләри, өмүрлүк һәбс ҹәзасы илә иттиһам олунурлар.
"Сијаси Мәһбусларсыз Азәрбајҹан" Иҹтимаи Алјансынын 10 декабр- Үмумдүнја Инсан һаглары ҝүнүндә кечирдији тәдбирдә иштирак едән Нардаран мәһбусларынын аилә үзвләри даһа бир илҝинҹ вә дәһшәтли мәлуматы иҹтимаијјәтлә бөлүшдүләр. Мәлум олду ки, "Нардаран иши" илә бағлы һазырда һәбсдә олан 3 мәһбус- Шамил Абдуләлијев, Ҹаһад Бабакишијев вә Бәһруз Әсҝәров һадисә ҝүнүн полис тәрәфиндән ачылан атәшлә јараланыблар. Онлара ҝүллә дәјиб. Бу ҝүнә гәдәр ҝүллә онларын бәдәниндән чыхарылмајыб. Онлара гаршы һеч бир тибби мүалиҹә һәјата кечирилмәјиб вә ҝүллә онларын бу ҝүн дә бәдәниндәдир. Бу барәдә мәһбусларын өзләри, аилә үзвләри вә вәкилләри аидијјаты гурумлар гаршысында мәсәлә галдырса да онларын бәдәнләриндән ҝүлләләрин чыхарылмасы үчүн һеч бир аддым атылмајыб. Әксинә бүтүн хаһиш вә исрарлар, һәтта вәкилләрин вәсатәтләри гулаг ардына вурулур. Санки һәмин шәхсләрдән гисас вә интигам алыныр.
26 нојабр Нардаран һадисәләри заманы ағыр хәсарәт аланлардан бири дә Мүсәлман Бирлији Һәрәкатынын Мәтбуат Хидмәтинин рәһбәри Әбүлфәз Бүнјатовдур. Һансы ки, һадисә заманы полис онун евинә һүҹум едиб еви дағытмыш, евдәкиләри ҝүллә- боран етмиш, онун 2 гоһумуну өлдүрмүш, өзүнү исә ағыр јаралајараг белини сындырмышды. 1 илдән чохдур ки, Әбүлфәз Бүнјатов ағыр јатаг хәстәсидир. Јахынларынын вердији мәлумата ҝөрә бәдәнинин ашағы органлары ишләмир, ифлиҹ олуб.
Чүрүјүр. Һәрәкәтсиз олан Әбүлфәзи јалныз дустаг јолдашлары идарә едир. Мәһз бу сәбәбдән дә ону мәһкәмә өнүнә чыхармаг мүмкүн олмадығындан һазырда Пенитенсиар Хидмәтин Мүалиҹә Мүәссисәсиндәдир. Өзү Мүалиҹә Мүәссисәсиндә олса да һеч бир мүалиҹә алмыр. Бу ҝедишлә јахынлары ону итирә биләҹәкләринин һәјәҹан тәбилини чалырлар. Амма ҝөзләрини ган өртмүш, инсанлара вә инсанлыға гәним олан аидијјаты шәхсләр СОС сигналыны гулагардына вурурлар.
26 нојабр Нардаран һадисәләри илә бағлы даһа бир дәһшәтли олај Әбүлфәз Бүнјатовун гоһуму Рәфаел Бүнјатовун гәтлә јетирилмәси илә бағлыдыр. Кәнд сакинләринин вердији мәлумата ҝөрә атасынын полисләр тәрәфиндән дәһшәтли шәкилдә гәтлә јетирилмәсинин шаһиди олан Рәфаелин кичик јашлы оғулу бу һадисәдән әсәби сарсынты кечириб. Һазырда әсәб- руһи проблемләрә дүчар олан көрпә ушаг данышыг габилијјәтини итириб.
Бу мисаллары артырмаг олар. Дедикләримиз һакимијјәтини горумаг истәјән бир групун бир кәнди рам етмәк, бир шәхси зәрәрсизләшдирмәк, бир тәшкилаты дағытмаг үчүн һәјата кечирдији ганлы әмәлијјатын бир һиссәсидир. Ҝөрәсән гејд етдијимиз вә етмәдијимиз инсанлыға суч олан бу һәрәкәтләрә ҝөрә ким ҹаваб вермәлидир?
Нәдән мәһбусун бәдәниндә олан ҝүллә бир илдир онун бәдәниндән чыхарылмыр? Нәдән еви дағыдылыб, гоһумлары гәтлә јетирилән, бели сындырылан бир шәхси нормал мүалиҹә етмирләр? Нијә ҝүнаһсыз атасыны гәтлә јетириб өвладыны шикәст едәнләр мәсулијјәтдән јајыныр, һәмин ушағын мүалиҹәси илә марагланмырлар?
... Тарихдә ганлы мүһарибәләр олуб ки, орда әсирләрә тохунмајыблар. Јаралылары мүалиҹә едибләр, онларла инсан кими давраныблар. Неҹә ола билир ки, торпагларымызын 20 фаизини ишғал едән, минләрлә гыз- ҝәлинләримизи әсир ҝөтүрүб онларын башына ојун ачан ермәниләри бу һакимијјәт чох бөјүк еһтирам вә һөрмәтлә Бакыја дәвәт едиб онлары ән баһалы һотелләрдә гонаг едирләр, пулсуз јемәк вериб шәһәри ҝәздирирләр, Ејнулла кимиләрин јанында ишә дүзәлдиб буна дөвләт сијасәти дејирләр, амма өз сојдашларымызы ҝүллә- боран едир, гандаллајыб һәбсә атыр, онларла инсан кими давранмырлар. Онларын мүалиҹә олунмасына, бәдәнләриндән ҝүлләнин чыхарылмасына, өз һаггыны мүдафиә етмәсинә имкан верилмир? Нијә ермәнијә атылмалы олан ҝүллә Нардаранда динҹ, ҝүнаһсыз сојдашларымыза атылмалыдыр вә о ҝүлләләр дүз бир һәмин инсанларын бәдәниндә галмалыдыр? Ҝөрәсән нијә?
... Бакы Ағыр Ҹинајәтләр Мәһкәмәсинин һакими Әнвәр Сејидовун бејнинә ган сыздығы дејилир. Әмәли нә олурса олсун кимсәнин хәстәләнмәси вә өлмәсинә севинән дејиләм. Онун сағалмасыны вә әмәлләри гаршысында ҹаваб вермәсини арзулајырам.
Әнвәр Сејидовун бејнинә ган јашына, һансыса хәстәлијинә ҝөрә сызмајыб. Ҝүнаһсыз инсанлар һаггында чыхардығы ганунсуз, сифаришли мәһкәмә һөкмләринә ҝөрә сызыб. Онун бејнинә ган һаггында һагсыз, ағыр вә әдаләтсиз һөкм чыхардығы мәһбусларын аналарынын, һәјат јолдашларынын аһ- наләсинә ҝөрә сызыб. Онун бејнинә ганы иҹтимаи гынаг сыздырды. Ел төһмәти ағырдыр дејирләр. Бу ган сызма Илаһи тәҹәллидир ки, һеч ким ондан гача билмәз...
Вахт ҝәләҹәк халгымызын ганына сусамыш, онун ҝүнаһсыз өвладларыны ҝүллә- боран едиб ганына гәлтан едәнләр, динҹ, ҝүнаһсыз сојдашларымызы шәрләјиб һәбсә атанлар, онлара ағыр ишҝәнҹә вә ҹәза верәнләр тәкҹә илаһи әдаләт гаршысында дејил, һәм дә ганун гаршысында да ҹаваб верәҹәкләр. Буна һеч кимин шүбһәси олмасын!
P. S. Ашағыдакы шәкилләр бәдәнләриндә ҝүллә олан Шамил Абдуләлијев, Ҹаһад Бабакишијев, Бәһруз Әсҝәров вә бәдәни ифлиҹ олан Әбүлфәз Бүнјатовун шәкилләридир.
Диггәт: Хәбәрдән истифадә етдикдә мәнбәјә истинад лазымдыр
