Гәзза бөлҝәси, Фәләстин, фәләстинли гадын, фәләстинли ушаглар... Ҝөзүнүзүн габағына ҝәлән мәнзәрәни ҝөрүрәм вә бу ағры чарәсизлијимизин реал аҹысына гатылараг дамарларыма ахыр... донурам...
...Топпуш әлләри илә үзүнүн ганыны силән о, көрпәнин үркәк бахышлары...
...Мүсәлман гадынынын үстүнә итини салан о һиссијатсыз гатил...
...Баласыны дүшмән ҝүлләсиндән јаралы голлары илә горумаға чалышан о заваллы ана...
...Дағыдылмыш, виран гојулмуш евләринин харабалығында ојнајан о атасыз-анасыз ушаглар. Бу мәнзәрәнин бир рәссамы вар-Исраил режими...
Мин иллиләр сүрәҹәк гәтлиамын мүәллифи вә һамиси-БМТ
Бу әслиндә дүнја әдаләтсизлијинин вә амансызлығынын реал ҝөрүнтүсү иди. Фәләстин торпагларынын 56 фаизи 650 мин нәфәрлик јәһуди халгына, 44 фаизи исә 1 милјон 300 мин нәфәрлик Фәләстин әһалисинә верилди.
Бундан сонра оланлар олду. Ҝөјләр ҝүнаһсыз өлдүрүлән инсанларын аһындан гаралмады, јерләр көрпәләрин ахыдылан ганындан дојмады, һәлә дә мүгәддәс торпаглара һопур о ган...
Фәләстиндә, Гүдсдә о мүгәддәсләрин доғулдуғу торпаглары ганла суварыб, ҝүнаһ әкиб беҹәрди Исраил режими. Амма бәс олмады, давам етди, етмәкдәдир вә...
...Бу бөлҝәдә 1948-ҹи илдә Исраил дөвләтинин јарадылмасы илә башлајан 68 иллик мүһарибә даһа ганлы тәсвирләрлә дүнјаны сарсытмагдадыр. Амма дүнја бу дәһшәтләри чох сусгун шәкилдә сејр едир. Һәр нә олса имериалист режимләрин идарә етдији дүнјада "кимдир өлән” суалы гојулмур, "кимдир өлдүрән” суалы лал сүкутла сорулур вә...
Әслиндә Фәләстин әразисиндә Исраил дөвләти јаратмаг Британија һөкумәтинин марагларына хидмәт едирди. Одур ки, Инҝилтәрәнин хариҹи ишләр назири олан миллијјәтҹә јәһуди Артур Балфоур 1917-ҹи илдә јәһуди милјончусу Ротшилдә мәктуб јазараг, Инҝилтәрә һөкумәтинин Фәләстиндә јәһудиләр үчүн милли дөвләтин гурулмасында мараглы олдуғуну билдирди:
"Ҹәнаб Ротшилд Инҝилтәрә көкүмәтинә тәгдим етдијим бәјаннамә олдугҹа хош гаршыланды. Фәләстин торпагларында бир јәһуди дөвләтинин гурулмасы идејаснда Инҝилтәрә һөкүмәти сизләрә дәстәкләјир.
Инҝилтәрә јәһуди дөвләти идеолоҝијамызы сонуна гәдәр дәстәкләјир. Бу истәјин реаллашмасы үчүн исә әлиндән ҝәләни едәҹәкдир. Һөрмәтлә "Артур Ҹејмс Балфоур”.
Болферин Декларасијасы илә бу идеја даһа да сүрәтләнди.
Јәни II Дүнја мүһарибәсиндән сонра БМТ илә сәлаһијјәт вериләнә гәдәр сионист дөвләти фактики олараг мөвҹуд дејилди.
Балфоур Декларасијасы 1918-ҹи илдә Франса, Италија, даһа сонра исә АБШ тәрәфиндән дәстәкләнди. Декларасија Јахын Шәргдә Исраил дөвләтинин гурулмасы мүддәтинин ән әһәмијјәтли һиссәси һесаб едилир.
1929-ҹу илдә ганлы дөјүшләр башлады. Илк ағыр дөјүшдә 133 јәһуди, 110 фәләстинли өлдү.
Мүһарибәнин башламасы, сона вармамасы сәбәбини ахтармаг вә ҹаваб әлдә етмәк о гәдәр дә чәтин дејил. Јетәр ки, Исраил дөвләтинин јарадылмасы просесинә нәзәр салаг; 1897-ҹи илдә Тедор Һерзл (Тедор Һерзл-сионизимин гуруҹусу-гәзетчи. Мәшһур "Дер Жуденстаат” ("Јаһуди Дөвләти”) китабынын мүәллифи) Исвечрәдә Ы Дүнја Сионист гурултајыны чағырды. Бу гурултајда башда Инҝилтәрә олмагла Гәрб өлкәләри Фәләстиндә Исраил дөвләтинин јарадылмасына дәстәк верди.
Бу идеја Алманијада давам етдирилди. "Јәһуди сојгрымы” илә... Мәгсәд Исраил дөвләтини јаратмаг иди. Фләстинлиләрин әлиндән торпагларыны алдылар, сонра исә һәјатларыны ҹәһәннәмә чевирдиләр. Ејнилә јурдсуз ермәниләрин вахтилә бизә сырыныб, сонра исә Ирәванмыза, Гарабағымыза јијәләндикләри кими...
1947-ҹи ил нојабрын 29-да БМТ Фәләстин торпагларынын 56 фаизинин 650 мин нәфәрлик јәһуди халгына, 44 фаизинин исә 1 милјон 300 мин нәфәрлик Фәләстин әһалисинә верилмәси вә Гүдсүн Бејнәлхалг статуса саһиб буфер зона олмасы барәдә планы тәсдигләди. 1948-ҹи ил мајын14 -дә исә Исраил дөвләтинин јарадылмасы рәсмән елан едилди.
Бәли, бу тарихчәјә нәзәр салмаг кифајәт едәр ки, Фәләстин-Исраил мүһарибәсинин нәинки башланма сәбәбләрини, һәтта һансы хәттлә инкишаф едәҹәјини дәгигләшдирәсән.
Бу мүһарибә битмәјән бир ешгин ҝерчәк аҹысынын ифадәсидир. Аҹысы исә чох аҹыдыр. Евләри дағылмыш, өвладлары, әзизләри ҝөзләри өнүндә ҝүлләјә дүзүлмүш инсанларын фаҹиәси гәдәр...
Бир фәләстинлинин үзүндәки, ҝөзләриндәки о аҹынын, о әзабын, севҝили әзабын јашы бөјүкдүр. Гуранда-мүгәддәс китабымызда охудуг о әзабын доғулушуну.
Бәли, Фәләстин дә, Јәмән дә, Ираг да, Ливија да, Сурија да, Иран да, Азәрбајҹан да мүгәдәсдир. Мүгәддәслијимизи дә Китабымыз- Гуран деди бизә. Бу барәдә јазымын сонунда данышаҹам. Инди исә гонағымыз һаггында...
Инсан гатили Нетанјаһу ҝәләндә...
Декабрын 13 -дә Исраилин баш назири Бенјамин Нетанјаһу Азәрбајҹана сәфәри ҝөзләнилир.
Бу арада дејим ки, Азәрбајҹан Исраилдән ән чох силаһ алан өлкәләрин сијаһысындадыр. Елә Исраил дә дүнјаја ән чох силаһ сатан өлкәләрин сијаһсында илк онлугдадыр.
Мәҝәр Азәрбајҹан һөкумәтини Исраил режими илә бирләшдирән силаһ идхалы вә ихраҹыдырмы? Јох. Амма нәдәнсә 2 апрел дөјүшләриндә бәзи медиа грумлары вә дөвләт каналлары бу ҹүмләни аз гала ҝөзүмүзә сохурдулар: "Ермәниләри Исраил силаһлары илә вурдуг”. Аһа, јериҝәлмишкән, Азәрбајҹан сон 10 ил әрзиндә силаһ алышына 22,7 милјард вәсаит хәрҹләјиб.
Стокһолм Бејнәлхалг Сүлһ Арашдырмалары Институту 2012-ҹи илдәки һесабатында Азәрбајҹанын Исраил режиминдән 1 милјард 600 милјон долларлыг һәрби сурсат алдығыны ачыглады.
Һесабатда Азәрбајҹанын 2008-ҹи илдән бәри Исраил режиминдән сурсат алдығы билдирилир. Бу базарлыг бу ҝүн дә давам едир.
"Стратеҝј Паҝе” сајты исә 2013-ҹү илдә Азәрбајҹана һәср етдији мәгаләдә өлкәмизин бир-ики ил әрзиндә Исраилдән вә Русијадан 5 милјард долларлыг јени силаһ нөвләри алдығыны гејд едиб.
Мәгаләдә Азәрбајҹанын өз һәрби бүдҹәсини 3.7 милјард доллара чатдырдығы, бу пулларын тәхминән јарысынын јени силаһлар алынмасына сәрф олундуғу дејилир.
Гејд едәк ки, Түркијә, Русија, Америка Бирләшмиш Штатлар вә Ҹәнуби Африка Азәрбајҹанла силаһ сазишләри имзаламыш диҝәр өлкәләрдир. Амма нәдәнсә медиамыз "Исраил силаһлары илә вурдуг” деди. Үстәлик, бүдҹәмиздән бу силаһлара ајрылан 22 милјард вәсаит дә ҝөзә ҝөрүнмәди.
Рокфеллерин мәһшур мәсәлиндә дејилдији ким: Сиз мәнә бир виҹдансыз мәтбуат верин, мән бәшәријјәти мәһвәриндән ојнадым.
Санки Исраил бизә пулсуз силаһ вериб- Иран кими...
Индики сөһбәт Гарабағ мүһарибәсиндән вә силаһ јардмындан ҝедир, бу ишдә бизә тәманннасыз јардым едән гоншу дөвләтдән-Иран Ислам Республикасындан данышмамаг әдаләтсизлик олар. Чүнки Гарабағ мүһарибәсинин ән шиддәтли мәгамларында бизә Иран дөвләти јардым етди.
Лакин Иран Ислам Ингилабы Кешикчиләр Корпусунун (СЕПАҺ) сабиг команданы Мөһсүн Рзајини илләр сонра бу сүкуту позду. Онун Гарабағла бағлы ачыгламасы Ермәнистан медиасында бомба еффекти верди. Елә бизим өлкәдә дә кифајәт гәдәр исламафобијадан әзијјәт чәкәнләримиз вар ки, Мөһсүн Рзајинин ачыгламасыны ујдурма, јуху, һәтта ифтира да адландырды. Кечмиш назирләрдән бири, телевизијада "Шуша ҝедәрсә, башыма ҝүллә вураҹам” вәдини вериб, вәдинә хилаф чыхан пафосу илә Ирәваны "ишғал едән” "гәһрәманымыз” да етиразлара гошулду вә Иранын Азәрбајҹана јардым етмәси һаггында ачыгламалары ифтира адландырды.
Бәли, Азәрбајҹан Республикасындакы гәрбпәрәст вә анти-Иран даирәләр кими бәзи ермәни мәнбәләри дә М.Рзајинин ачыгламасына көлҝә салмаға ҹәһд етдиләр. Чүнки онлар Ваһид Азәрбајҹан идејасы уғрунда шәһид олан СЕПАҺ дөјүшчүләринин гәһрәманлығыны тарихдән силмәлијдиләр, бу ҝүнки "гәһрәманлары” јаратмаг үчүн.
Мөһсүн Рзаји исламафобларын ҹавабыны верди: "Әслиндә Иран Гарабағда ермәниләрә гаршы өн ҹәбһәдә дөјүшүб, шәһид вериб, Азәрбајҹан ордусуну милјардларла долларлыг силаһ вә һәрби тәҹһизатла тәмин едиб. Лакин Азәрбајҹан Республикасындакы Гәрбә вә Исраилә бағлы медиалар Гарабағда Иранын Азәрбајҹаны һимајә етмәдијини, һәтта Ермәнистана јардым ҝөстәрдијини иддиа едәрәк, Ираны гараламаға чалышырлар. Белә бир бөһтанла Ираны мүсәлман ҹәмијјәтиндә писләјирләр. Мараглы бурасыдыр ки, Иранла бирликдә ҹәбһәдә ермәниләрә гаршы дөјүшән бир чох иҝид азәрбајҹанлылар өз өлкәсиндә јох едилиб. Онларын бәзиләри һәбс олунуб, бәзиләри исә суи-гәсдләрлә өлдүрүлүб”.
Иран медиасы бу олајлара белә реаксија верди: Гарабағ мүһарибәсинин илк дөврүндә "СЕПАҺ” дөјүшчүләринин сајәсиндә Гарабағын 1 гарыш торпағы да итирилмәјиб: "Лакин АБШ ојунлары вә Азәрбајҹанда түрклүк, милләтчилик дујғуларынын јајылмасы нәтиҹәсиндә "СЕПАҺ” бөлҝәдән чыхарылды. Елә о замандан Гарабағ аддым-аддым алынмаға башлады. Иран бөлҝәдән чыхарылдыгдан сонра Азәрбајҹан Гарабағ мүһарибәсини удузду, торпагларыны итирди. Даһа доғрусу, Гарабағ бириләри тәрәфиндән сатылды.
Гарабағда јараланан СЕПАҺ дөјүшчүләри Ирана ҝөндәрилирди, шәһид дүшәнләрин чоху исә Бакыда дәфн олунурду. Гарабағ мүһарибәсиндә Азәрбајҹан ордусунун лазыми һәрби тәҹһизатларла тәмин едилмәси вә һәрби тәлимләрин кечирилмәси илә бағлы шәхсән әмр вермишәм. Бизләр Азәрбајҹанын чәтин ҝүнләриндә јанында олмушуг. Бу ҝүн дә онларын јанындајыг. Гарабағын ҝери гајтарылмасында да онлара јардым етмәјә һазырыг. Чүнки Гарабағ Ислам торпағыдыр”.
Гарабағ ислам торпағыдыр: Гүдс кими, Фәләстин кими...
Бәли, Гарабағ ислам торпағыдыр, Фәләстин кими, Гүдс кими... Она ҝөрә дә Гарабағымызда һәр ҝүн ган төкүлүр. Она ҝөрә дә Гарабағымыз јағы әлиндәдир. Гүдслә-Гарабағы ејни тале бирләшдирир. Гүдслә Гарабағы бизә ағры шәклиндә өтүрәнләрдән бири, Исраилин баш назири Бенјамин Нетанјаһу декабрын 13-дә Бакыја ҝәләҹәк. Гонаға завал јохдур. О, гонағдыр. Амма гонағымызын кимлијини дујуб да ону севҝијлә гаршыламаг мүмкүнсүздүр.
Гонағымыз Бенјамин Нетанјаһу 2014-ҹү илин 7 ијулунда Гәззаја планлашдырдығы 51 ҝүнлүк һүҹум заманы 2159 инсанын өлүмүндә, 11 миндән чох инсанын исә јараланмасында тәгсиркар билинир. Һәтта дүнјанын онларла өлкәсиндә, о ҹүмләдән Инҝилтәрәдә 100 минә јахын инсан Бенјамин Нетенјаһунун һәбси үчүн имза топламышды. Бу Фәләстиндә илләрлә давам едән мүсәлман гәтлиамларындан садәҹә бири иди. Чох мараглыдыр, Бакы ислам дүнјасынын мәдәнијјәт пајтахты елан едилир, Бакы Ислам Һәмрәјлији Ојунларына мөһтәшәм һазырлыг тәдбирләри кечриир, ејни заманда да мүсәлман гатилинин, ислам дүшмәнинин пишвазына һазырлашыр.
Һансы ки, һәтта Авропа өлкәләри, христианлар белә Нетанјаһуну инсан гатили елан едир. Азәрбајҹанда исә дурум тамам башгадыр. Биз Нетанјаһуну севмәјә мәһкумуг...
Түркијә илә Исраили бирләшдирән дәјәр -ИШИД
Түркијә президенти Әрдоған бир ара Исраили гатил дөвләт адландырырды. Ән азындан Исраилин "Мави Мәрмәрә” дамғасы вар иди. Әрдоған о заман Гәззаја јардым апаран "Мави Мәрмәрә” ҝәмисиндә Исраил әсҝәрләринин өлдүрдүјү түркијәли һәрбичиләрин ганыны алаҹағына һајгырараг сөз версә дә сонрадан нефт әтирли ИШИД севҝиси бу вәди унутдурду.
Бу ҝүн Әрдоған Исраилә олан севҝисинин һәр өтән ҝүн даһа да артдығыны һајгырыр. Бәли, ИШИД террор тәшкилаты Түркијә илә Исраили бирләшдирән ортаг дәјәрдир.
ИШИД террорчуларынын һазырда НАТО-нун нәзарәтиндә олан Түркијәнин Инҹирлик Һәрби Һава Базасында АБШ –Исраил ордусу тәрәфиндән тәлим кечдији дә дәфәләрлә дүнја медиасында јазылыб вә дәрин мүзакирәләрә сәбәб олуб. Ејни заманда Суријада, Ирагда јараланан ИШИД террорчулары Исраил вә Түркијәдә мүалиҹә олунараг, јенидән террор әмәлијјатларында иштирак едирләр.
Амма Исраил режими ИШИД-и ислам аләмини ҝөздән салмаг вә мүсәлманлары бир –биринә гырдырмаг үчүн севирсә, Әрдоған Ираг вә Сурија нефти үчүн севир.
Исраилин ИШИД севҝиси даһа узаг әсрләрә һесабланмыш идејанын -исламы мәһв етмәјин тәркиб һиссәсидир. Әрдоғанын ИШИД севҝиси исә Түркијәјә аиләликҹә саһибләнмәк мәгсәди кими ҹылыз һисләрдән башга бир шеј дејил.
Нетанјаһу Фәләстини фәләстинлиләрдән чох дүшүнүр вә ја...
Нетанјаһунун бу чыхышы аз бир заманда изләмә рекорду гырды. Бу видеочыхышда фөвгаладә һеч нә јох иди. Садәҹә о, анд ичиб дејирди ки, Фәләстини фәләстинлиләрдән даһа чох дүшүнүр: "Фәләстин халгы даһа јахшы јашамы һагг едир вә биз дә буна чалышырыг”.
Аһа, бу Бенјамин бу гәдәр алтурист, һуманист, демократ имиш хәбәримиз јох... О заман хатырлајаг..."Мави Мәрмәрә” ҝәмисинә басгын едән Исраил әсҝәрләринә гатил дејән әрәб милләт вәкили Һанин Зуабинин сәлаһијјәтинин азалдылмасы үчүн ҝөстәриш верән бу Бенјамин Нетанјаһу дејилдими?
Зуаби, "Инсанлары өлдүрән Исраил әсҝәрләри вә Исраил һөкумәти үзр истәмәлидир” дедији үчүн Исраил дөвләт радиосунун хәбәринә ҝөрә, баш назир Бенјамин Нетанјаһу һөкумәтин һүгуг мүшавири илә телефон данышығында "Зуаби јаланлары илә бүтүн ҹизҝиләри ашды. Кнессетдә јери јохдур” деди.
Амма Бенјамин Нетанјаһнун маскасыз бир чыхышы да вар. Әсл Нетанјаһнун маһијјәти вә мәгсәди онун бу ҹүмләсиндә бирләшиб: "Бизи фәләстинлиләр горхутмур, бизи сүнни вә шиәнин сых бирләшдији дөјүшкән ислам горхудур”.
Бајаг Гүдсү, Ливијаны, Ирагы, Ираны, Суријаны, Азәрбајҹаны мүгәддәс торпаг адландырдым. Бәли, мүгәддәс Китабымызда мүгәддәс дөјүшүмүздән јазылмышды. Бу ҝүн адычәкилән бу мәмләкәтләр ган гохујур. Бу һәгиги исламын мәһв едилмәси уғурунда ДӨЈҮШҮН ганыдыр.
Ган ахытмајан да исә идеја дөјүшү илә исламы мәһв етмәјә чалшаҹаглар. О заман зомбиләшмиш исламафоблар өз дин гардашларындан үз чевириб ислам гатилләрини севәҹәкләр, онларын дигтәси илә отуруб дураҹаглар.
Јериҝәлмишкән, дүнән һаким, һәгиг исламы тәблиғ едәнләр силсиләсиндән нөвбәти гурбан олан илаһијјатчы алим Елшән Мустафаоғлуна 12 ил һәбс ҹәзасы истәјиб. Јәгин 13 ил верәрләр. Һәр һалда гонаға һәдијјә етмәк бизим гәдим адәтимиздир.
Мүгәддәс Төвратда исә дејилирди: "Оғруја ортаг оланын дүшмәни өзүдүр... (Сүлејманын мәсәлләри, 29:24)”.
Аллаһа анд олсун ки, ДӨЈҮШ талејимизә јазылыб…
Арзу Абдулла
Диггәт: Хәбәрдән истифадә етдикдә мәнбәјә истинад лазымдыр
