Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, “Тимес Оф Ысраел” гәзетинә мүсаһибә верән ишғалчы Исраил режиминин баш назири Бенјамин Нетанјаһу Сәудијјә Әрәбистанын Исраил режиминин мәнафејинә хидмәт етдијинә етираф едиб.
Нетанјаһу, Сәудијјә Әрәбистаны тәрәфиндән башланан “Һәҹ сүлһ месажыдыр” кампанијасыны дәстәкләјәрәк билдириб: “Сәудијјә Әрәбистанын бу аддымы Исраил илә диҝәр әрәб өлкәләри арасындакы әлагәләрин ҝүҹләндирилмәсиндә мүһүм рол ојнајыр. Тезликлә Јахын Шәргдә Ислам илә диҝәр динләр хүсусилә дә, јәһуди дини һәмчинин Әрәб өлкәләри илә Исраил арасында сүлһә наил олаҹағыг.”
Нетанјаһу иранлыларын һәҹҹ зијарәтинә ҝетмәмәсинә дә тохунуб. Бенјамин Нетанјаһу вурғулајыб: “ Биз иранлыларын һәҹҹә ҝетмәмәсиндән хош дујғулар кечиртдијимизи вә севинҹимизи ҝизләтмирик. Чүнки биз әминик ки, сон 30 илдә Иран Јахын Шәргдә (админ: сионист режимин тәһлүкәсизлијини нәзәрдә тутур) сүлһүн бәргәрар олмасына (админ: әрәб өлкәләри тәрәфиндән Исраилин Фәләстин торпагларыны ишғал етмәсинә ҝөз јумуб сионист режими рәсмән танымаға) манеә төрәдән әсас амилдир.”
Ҹинајәткар јәһуди баш назири даһа сонра дејиб: “Һәҹҹ ибадәт вә мәдәни давранышлар јеридир (јәни Һәҹҹдә мүшрик вә јәһудиләрдән узаглашараг Төвбә сүрәсиндәки бәраәт ајәсини охујуб Аллаһ тәала илә әһдипејман бағламаг дүзҝүн иш дејил). Буна ҝөрә дә, Һәҹҹ зијарәтиндә сијаси, иргчилик кими мәсәләләрдән чәкинмәк лазымдыр. Сәудијјә Әрәбистаны илә бизим арамызда ашкар сүрәтдә ихтилафымыз вар. Лакин биз јени сијасәтләр илә бу ихтилафлары ҝөзәл шәкилдә арадан галдыра биләрик."
Диггәт: Хәбәрдән истифадә етдикдә мәнбәјә истинад лазымдыр
