Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Сәудијјә Әрәбистанынын баш мүфтисинин тәһгирамиз вә иргчи чыхышлары Али Сәуд сарајы үчүн башағрысы олмаға башлајыб. Белә ки, Әрәбистанын баш мүфтисинин әвәзинә Әрәфә ҝүнүнүн хүтбәсини Мәсҹидүл-Һәрамын хәтиби Әбдүр-Рәһман Сүдејс охујуб.
"Әр-Рәј әл-Јәвм" гәзетинин интернет порталы "Әрәбистанын баш мүфтиси Әбдүл-Әзиз Али-Шејх бу 35 иллик вәзифәдә олдуғу дөврдә илк дәфә олараг Әрәфә ҝүнү хүтбәсини охумагдан имтина етди вә бәһанә етди ки, сәс телләриндә проблем јарандығы үчүн нитг сөјләјә билмәјәҹәк. Дејиләнләрә ҝөрә, Али Сәуд сарајынын мүфтиси Әрәбистан кралы Салман ибн Әбдүл-Әзизин ҝөстәришинә әсасән, Әрәфә ҝүнү хүтбә охумајыб ки, Иран әлејһинә етдији чыхышын мәнфи нәтиҹәләри бир аз арадан галхмыш олсун. Чүнки баш мүфтинин анти-Иран чыхышы вә иранлылары тәкфир етмәси Әрәбистанын дахили вә хариҹиндә етираз далғалары јаратмышды", - дејә јазыб.
Бир мүддәт өнҹә "Мәккә гәзети" илә мүсаһибәсиндә иранлылары гејри-мүсәлман вә мәҹус (атәшпәрәст) адландырмыш Сәудијјә мүфтисинин Әрәфә ҝүнү кими мүһүм бир ҝүндә хүтбә охумагдан имтина етмәси суаллар вә шүбһәләр доғуруб. Еһтимал олунур ки, Сәудијјә Әрәбистаны баш мүфтиси иҹбари шәкилдә тәгаүдә ҝөндәриләҹәк. Чүнки Мәсҹидүл-Һәрамын хәтиби Әбдүр-Рәһман Сүдејс Әрәфә ҝүнү хүтбәсиндә Али-Шејхин 35 иллик чәкдији зәһмәтләрә ҝөрә она тәшәккүр дә етмишди.
"Мәккә гәзети"нә исә баш мүфтиси Әбдүл-Әзиз Али-Шејхин вердији бу мүсаһибәни јајдығы үчүн етираз вә тәнгидләр сәнҝимәк билмир. Бу сәбәбдән Мәсҹидүл-Һәрам хәтиби Әбдүр-Рәһман Сүдејс Әрәфә ҝүнү хүтбәсиндә етираз вә наразычылыглары јатыртмаг үчүн Исламын орта јол дини олдуғуну дејәрәк, инсанларын фикрини бу мәсәләдән јајындырмаг үчүн Ислами өлкәләрин башчыларыны Фәләстини һимајә етмәјә чағырыб. Һалбуки, Сәудијјә Әрәбистаны Исраил илә өз әлагәләрини адиләшдирмәјә чалышыр вә нүмајәндәләри ишғал олунмуш Фәләстин торпагларында Исраил рәсмиләрилә ҝөрүшләр кечирирләр.
Диггәт: Хәбәрдән истифадә етдикдә мәнбәјә истинад лазымдыр
