Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иранда кечириләҹәк сечкиләр өнҹәси Чаршәнбә Ахшамы ҝүнү Али Рәһбәр Ајәтуллаһ Сејјид Әли Хаменеи Теһранда Имам Хомејни (р.ә) адына һүсејнијјәдә Исфаһан әјаләтинин Нәҹәф Абад шәһәринин әһалисини гәбул едиб.
Минләрлә Нәҹәф Аабад шәһәр сакинләри гаршысында чыхыш едән Ајәтуллаһ Хаменеи билдириб ки, бизим өлкәдә сечкиләр, милли дирчәлишдир, халг сечкиләрдә дүшмәнин гаршысында синәсини сипер едир вә әзәлә нүмајиш етдирир. “Дүшмән 37 илдән сонра бүтүн тәзјигләр, залымҹасына санксијалар, гәрәзли тәблиғатлара бахмајараг ҝөрәндә ки, халгын системә бағлылығыны гыра билмәјиб, Ингилабын әзәмәти дүшмәнин ҝөзүндә зәһм вә горху јарадыр.”
Ајәтуллаһ Хаменеи билдириб ки, дүшмәнин сечкиләрдә ишләтдији фәндләрдән бири будур ки, јаландан парламентин “һөкумәтә бағлы” вә “һөкумәтә зидд” парламент олдуғуну иддиа едир вә тәкрарлајырлар. “Иран халгы , һөкумәтә бағлы вә һөкумәтә зидд парламент истәмир, халг, өһдәликләрини билән вә Америкадан горхмајан ҹәсарәтли вә дәјанәтли парламент истәјир. Иран халгы истәјир ки, парламент халгын дәрдинин чарәсини билсин. Парламент дәјанәтли, ҹәсарәтли, сәдагәтли олсун вә дүшмәннин ојунларына алданмасын. Парламент гүрур вә мүстәгиллијә өнәм вермәлидир. Ирандан әли үзүлмүш тамаһкар ҝүҹләрин гаршысында дајанмалыдыр.Һөкумәти өлкәнин дахили ҝүҹүнә дајанараг игтисадијјаты инкишаф етдирмәјә мәҹбур етмәлидир. “
Ајәтуллаһ Хаменеи чыхышынын давамында билдириб ки, бизә ајдындыр ки, мүзакирәләрдән сонра үчүн Американын реҝионла бағлы бир планы вә Иранла бағлы башга бир планы вар. “Иранын дахили үчүн, дүшмән өз әлалтыларындан истифадә едәҹәк. Әлалты олмаг бу демәк дејил ки, дүшмәндән пул алыр. Имам Хомејни (р.ә) бујурурду бәзи вахтлар дүшмәнин сөзүнү бир нечә васитә илә достун ағзындан ешидирсән.”
Ајәтуллаһ Хаменеи билдириб ки, һамы әлалтылар барәсиндә еһтијатлы олмалыдыр. “Ҝөрәндәки дүшмән ики тирәлик јаратмаг үчүн сизи тәрифләјир, тез өз нифрәтинизи она билдирин. Сиз ки, билирсиз дүшмән ики тирәлик јаратмаг истәјир, гојмајын. Имам Хомејни (р.ә) дејирди: дүшмән сизи тәрифләјәндә бахын ҝөрүн нә сәһв иш ҝөрмүсүз, ҝәлин имамын сөзүнә гајыдаг. Дүшмәнин сијаси әдәбијјатындан истифадә етмәјәк."
Ајәтуллаһ Хаменеи билдириб ки, Ингилабын дүшмәнләри илк ҝүндән “ифрат” вә “мөтәдил” ифадәләрини ишләдир. "Онларын дүшүнҹәсиндә һамыдан ифратчы, о бөјүк шәхсијјәт олан Имам Хомејни (р.ә) иди, бу ҝүн дә мәни һамыдан чох ифратчы һесаб едирләр. Ислам орта јолун (мөтәдиллијин) тәрәфдарыдыр, лакин Гуранын бахышында орта јол јәни "сирате мүстәгим (доғру вә дүз јол) " вә онун мүгабили (гаршысы) ифрат дејил, инһирафдыр (јолундан сапмадыр). Сирате мүстәгимдә (дүз јолда) бәзиләри јаваш вә бәзиләри сүрәтли ҝедә биләр, бу ки, пис иш дејил. Дүшмән “ифратчы” дедикдә Ингилаб јолунун давамчыларыны вә һизбуллаһчылары, мөтәдил дедикдә исә онларын гаршысында бојун әјәнләри нәзәрдә тутур.”
Ајәтуллаһ Хаменеи билдириб ки, Америкалылар өзләри дә етираф едирләр ки, Иранда һеч бир мөтәдил шәхс вә ја груп јохдур. “Иран халгынын әксәријјәти Ингилабын тәрәфдарыдыр, әлбәтдә мүмкиндир бәзи вахтлар сәһв вә ја ҹајмалар олсун, лакин Иран халгындан һеч ким онлара бағлы олмағын тәрәфдары дејил.”
Ајәтуллаһ Хаменеи чыхышында халга мүраҹиәт едиб вә билдириб ки, сечкиләрдә диггәтли, дүзҝүн вә ачыг ҝөзлә иш ҝөрмәјә чалышын. “Белә оларса һәм Аллаһ разы олар вә һәмдә јахшы нәтиҹә әлдә олунар. Таныјын вә сонра сечин. Танымадығыныз заман демәјин ки, сәс вермирәм, ҝедин елә бир шәхсә сәс верин ки, һәмин шәхсин дининә вә тәәһһүдүнә инанырсыз.”
Ајәтуллаһ Хаменеи билдириб ки, инанырам ки, бәдхаһларын бүтүн чалышмаларына бахмајараг Аллаһ гәләбәни Иран халгы үчүн тәјин едиб. Аллаһын лүтфү илә дүшмән бу Ингилаба вә Ислам системинә зијан верә билмәјәҹәк.
Диггәт: Хәбәрдән истифадә етдикдә мәнбәјә истинад лазымдыр
