Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, мәрһум Имам Хомејни (Аллаһ мәгамыны даһа да али етсин) һәзрәтләринин фәрманы сајәсиндә јаранан Ислам Ингилабы Кешикчиләринин – Сепаһын Гүдс ганадынын ҝенералы, Һаҹ Гасым Сүлејмани Ислам Шурасы Мәҹлисиндә иштирак едиб.
Мәлумата әсасән Иран Ислам Республикасынын парламентиндәки мүһафизәкарларын фраксијасына гатылан Ҝенерал Ислам Шурасы Мәҹлисинин Спикери Әли Лариҹани ҹәнаблары илә ҝөрүшүб.
Спикер Иран Ислам Республикасынын вә мәнтәгә өлкәләринин һазыркы вәзијјәти һагда бир сыра илкин изаһатлар вердикдән сонра, Ҝенерал Сүлејмани Әфганыстан, Ираг, Сурија, Јәмән вә Ливан һагда милләт вәкилләрини ҝениш мәлуматландырараг ифратчылыгла мүбаризәдә мәһз Иран Ислам Республикасынын садиг олдуғуну вә бөјүк бир һај күј илә террор әлејһинә коалисија тәшкил едән өлкәләрин (админ: нәзрәдә АБШ вә мүттәфигләри тутулур) бу јөндә һеч бир ирәлиләјиш әлдә етмәдикләрини вурғулајыб.
Диггәт: Хәбәрдән истифадә етдикдә мәнбәјә истинад лазымдыр
