Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Америка Бирләшмиш Штатларынын Бултимор шәһәриндә 25 јашлы гарадәрили вәтәндашын полис бөлмәсиндә өлдүрүлмәсиндән сонра, шәһәрдә етиразлар сәнҝимәк билмир.
Америка полиси тәрәфиндән гәтлә јетирилән “Фредди Ҝрај”ын дәфн мәрасиминдән бир нечә саат сонра Бултимор шәһәрини етираз аксијалары бүрүјүб. Дәфн мәрасиминдә иштирак едән 2500 –дән артыг етиразчы күтлә хијабанларда етиразларыны билдирәркән полис зоракылығы илә үзләшмәли олублар.
Полис зоракылығына бахмајан етиразчылар, полис машынларына од вуруб јандырыблар. Һадисә заманы 15 полис забитинин јараландығы вә 27 етиразчынын исә полис тәрәфиндән сахландығы гејд олунуб.
Бултимор шәһәринин бәләдијјәси 28, Апрел, 2015 тарихдән етибарән јерли саатла 22:00 дан башлајараг шәһәрдә фөвгәладә вәзијјәт елан едиб.
Бәләдијјә рәиси Стефан Палузи билдириб ки, елан олунмуш фөвгәладә вәзијјәт бир һәфтә давам едәҹәк.
Диггәт: Хәбәрдән истифадә етдикдә мәнбәјә истинад лазымдыр
