Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, АБШ, сионист исраил гүввәләри, гәрб, Әрәб Лигасы вә Түркијә тәрәфиндән Суријада дахили мүһарибәнин аловландырылмасындан сонра ИШИД, Әл Нүсрә вә с. тәкфирчи террорчуларын әлиндән гачараг гоншу өлкәләрә, хүсуси илә дә, Түркијәјә пәнаһ ҝәтирмиш Сурија гачгынларынын дуруму олдугҹа аҹынаҹаглы олдуғу хәбәр верилир.
Сосиал шәбәкәләрдә јајымланан сон ҝөрүнтүләр Истанбул хијабанларында диләнчилик илә, мәшғул олан Сурија гачгынларына аиддир. Онлар Түркијәдә ади ибтидаи һәјат тәрзиндән вә мәишәт аваданлыгларындан белә мәһрумдурлар. Белә ки, Сурија гачгынлары Түркијәдә өлмәмәк үчүн диләнчилкә әл атыблар.
Бирләшмиш Милләтләр Тәшкилаты вердији сон ачыгламасында билдириб: “Суријада Һөкүмәт Гүввәләри илә силаһлы груплашмалар арасында 4 ил давам едән дөјүшләрдә 200 миндән артыг ҝүнаһсыз инсан һәјатыны итирмиш, 10 милјондан артыг вәтәндаш исә, евләриндән дидәрҝин дүшәрәк гачгын һәјат тәрзи сүрмәјә мәҹбур олуб.”
Гејд едәк ки, АБШ, Түркијә, Гәтәр вә Сәуди Әрәбистан 2011-ҹи илдән етибарән 2014-ҹү илә гәдәр Суријадакы террор груплашмаларына ашкара дәстәк верирдиләр. Бу мүддәт әрзиндә Әл Нүсрә Ҹәбһәси вә ИШИД адлы террор груплашмалары Иорданија торпагларында һәрби тәлимләр ҝөрүрәрәк, Иорданија вә Түркијә рәһбәрликләринин иҹазәси илә гејд олунан өлкәләрин торпагларында Суријаја террор актлары төрәтмәк үчүн кечирдиләр.
Диггәт: Хәбәрдән истифадә етдикдә мәнбәјә истинад лазымдыр
